“Tottenhem” sobiq yarim himoyachisi Kristian Eriksen Premyer Ligaga qaytishga yaqin turibdi.
29 yoshli daniyalik futbolchi bir nechta APL klubidan taklif olgan va ulardan biri bilan shartnoma imzolashga yaqin turibdi, deya xabar qilmoqda The Times.
Eriksenda Yevropaning boshqa jamoalaridan ham taklif bor, biroq u Angliyaga qaytishni xohlamoqda.
Eslatib o‘tamiz, 2021-yilning yozida bo‘lib o‘tgan Yevro—2020 musobaqasida Kristian Eriksenning yuragi to‘xtab qolgan va maydonda uning hayoti saqlab qolingandi. Shundan keyin unga kardioverter-defibrillyator o‘rnatildi.
Bunday qurilma bilan o‘ynash Italiyada taqiqlangani bois Eriksen “Inter”dan ketishga majbur bo‘ldi. Milanliklar bilan dekabr oyida shartnomani bekor qilgan Kristian o‘sha vaqtdan beri erkin agent maqomida bo‘lib turibdi.
Mavzuga doir:
- Uyiga qaytgan Ronaldu, Messini uzoq kuttirgan sovrin, ikki frontda kurashayotgan UEFA va dunyoni vahimaga solgan Eriksen. Jahon sportida yil yakunlari
- Futbolning qorong‘i tomoni: maydonda vafot etishiga bir baxya qolgan o‘yinchilar
- “Yana maydonda uchrashishimizni kutib qolaman”. Futbol olami qiyin soatlarni boshdan kechirgan Kristian Eriksenni qo‘llab-quvvatlamoqda
Izoh (0)