Futbol bo‘yicha Fransiya chempionatining 21-turidan o‘rin olgan ikki uchrashuv 15-yanvar, shanba kuni bo‘lib o‘tdi.
“PSJ” o‘z maydonida “Brest”ni qabul qildi va ishonchli hisobda g‘alaba qozondi. Dastlab Kilian Mbappe faollik ko‘rsatib, 32-daqiqada hisobni ochdi. Ikkinchi bo‘lim avvalida esa Tilo Kerer ham o‘z nomini tabloga yozdirib qo‘ydi. Shundan so‘ng darvozalarga boshqa to‘p kiritilmadi.
Shu tariqa Parij klubi Lionel Messi va Neymar qatnashmagan o‘yinda ishonchli g‘alabaga erishdi. Messi koronavirusdan keyin tiklanish jarayonini o‘tkazayotgan bo‘lsa, Neymar jarohat sabab bellashuvni o‘tkazib yubordi.
Mazkur uchrashuvda Serxio Ramos ilk marta “Park de Prens”da maydonga tushdi. Himoyachi 72-daqiqada Anxel di Mariyani almashtirdi.
G‘alabadan keyin “PSJ” 50 ochko bilan peshqadamlikni yanada mustahkamladi. Jamoa 2-o‘rindagi “Nitssa”dan 11 ochkoga ilgarilab ketgan.
Liga 1
21-tur bahslari
15-yanvar, shanba
“PSJ” – “Brest” 2:0
Gollar: 1:0 – 32 Mbappe, 2:0 – 53 Kerer.“PSJ”: Donnarumma, Kerer, Markinyos, Kimpembe, Mendesh, Veynaldum (Danilu Pereyra, 46), Errera (Paredes, 80), Verratti (Mishyu, 90), di Mariya (Ramos, 72), Ikardi (Simons, 80), Mbappe.
“Brest”: Bizot, Pyer-Gabriel, Erey (Brassye, 80), Shardonne, Dyuvern, Fevr (Baji, 90), Manyetti (Lasn, 59), Agume (Mbok, 59), Kardona (Munye, 59), Le Duaron, Onora.
Ogohlantirishlar: Errera (24), Mbappe (34), Manyetti (34), Agume (45), Kimpembe (55), Verratti (58), Shardonne (61), Danilu Pereyra (65).
Izoh (0)