Daniya — Finlyandiya uchrashuvining birinchi bo‘limida dahshatli voqea yuz berdi. Hech qanday to‘qnashuvsiz holatda Daniya yarim himoyachisi Kristian Eriksen kutilmaganda maydonga yiqilib tushdi.
Hammasi 42-daqiqada yuz berdi, Kristian o‘ng qanotdan oldinga qarab harakatlanayotgandi, bir necha qadam tashlagach, muvozanatni yo‘qotdi va maydonga yiqildi.
Shundan so‘ng shifokorlar darhol maydonga chaqirildi, Daniya terma jamoasi shifokorlaridan tashqari, reanimatsiya guruhi ham jalb qilindi. Tibbiy yordam to‘g‘ridan to‘g‘ri maydonda ko‘rsatildi. Daniya terma jamoasi futbolchilari tafsilotlar kameralarga tushmasligi uchun jonli devor yasadi.
Eriksenga defibrillyator yordamida yurak massaji qilindi va hayotga qaytarildi. U kasalxonaga olib ketilayotganda hushiga kelgandi. Kristian hozir kasalxonada va uning ahvoli barqarorlashgan. U o‘zi nafas olmoqda va gapirmoqda.
Foto: Getty Images
Uchrashuv avval to‘xtatilgandi, keyin esa 13-iyun, yakshanba kuni davom ettirilishi ma’lum qilindi.
Hammasi qanday sodir bo‘lgandi?
Foto: Reuters
Darhol barchasi jiddiy ekani ma‘lum bo‘ldi va shifokorlar chaqirildi
Foto: Reuters
Unga dastlab maydonnig o‘zida yordam ko‘rsatildi
Foto: Getty Images
Shifokorlar shoshilinch ravishda maydonga chiqib, reanimatsiya muolajalarini qo‘lladi, shu jumladan defibrillyatordan ham foydalanildi
Foto: Reuters
Futbolchilarning yuzlarida haqiqiy dahshatni ko‘rish mumkin edi. Daniya futbolchilari tafsilotlar kameralarga tushmasligi uchun atrofni jonli devor bilan to‘sib qo‘ydi
Foto: Reuters
Finlyandiya terma jamoasi futbolchilari ham shok holatiga tushib qoldi
Foto: Reuters
Uzoq vaqt davom etgan muolajalardan so‘ng kameralardan to‘silgan holda shifoxonaga olib ketildi
Foto: Reuters
Tribunalardagi muxlislar esa o‘zini yig‘idan tiya olmadi
Foto: Reuters
Aynan o‘sha yerda Kristianning rafiqasi ham bor edi. U ham maydonga tushdi. Jamoa sardori Simon Kyer va darvozabon Kasper Shmeyxel esa uni tinchlantirishga harakat qildi. Haqiqiy jamoadoshlar!
Foto: Reuters
Foto: Reuters
Foto: Reuters
Hozircha aniq nima bo‘lgani noma’lum. Anig‘i, Kristian kislorod niqobida edi. Va eng muhimi, u ko‘zini ochdi.
Bardam bo‘l, Kristian!
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
