Mudofaa vazirligi “O‘zbekiston Respublikasi Mudofaa vazirligi qo‘shinlariga kontrakt bo‘yicha harbiy xizmatga nomzodlarni saralash tartibi to‘g‘risidagi nizomga o‘zgartirishlar kiritish haqida”gi idoralararo qaror loyihasini muhokamaga qo‘ydi.
Unga ko‘ra, nomzod Saralash komissiyasi kotibiga quyidagi hujjatlarni taqdim etishi lozim:
- biometrik pasport yoki identifikatsiya ID-kartasi (nusxasi olinib,asli qaytariladi);
- harbiy guvohnoma (nusxasi olinib, asli qaytariladi);
- tug‘ilganlik haqida guvohnoma (nusxasi olinib, asli qaytariladi);
- nomzod tomonidan qo‘lda yoki kompyuterda yozilgan tarjimayi hol;
- anketa-ma’lumotnoma.
Saralash komissiyasi bayonnomasidan ko‘chirma, shaxsni tasdiqlovchi hujjat (pasport, harbiy guvohnoma) nusxasi, narkologik, sil kasaliga qarshi kurash, teri-tanosil, psixonevrologik dispanserlar va OITSga qarshi kurash markazidan olingan ma’lumotnoma, so‘nggi besh yil ichidagi ambulator bemorning tibbiy kartasidan ko‘chirma, majburiy diagnostika tadqiqotlarining natijalari bilan birga, degan so‘zlar chiqarib tashlanadi.
Avvalroq O‘zbekistonda davlatga yetkazilgan zarar uchun harbiy xizmatchilarning moddiy javobgarligi belgilangani, O‘zbekistonda xorijiy davlatlar harbiy kadrlarini tayyorlash yo‘lga qo‘yilishi, O‘zbekiston Qurolli Kuchlari Britaniya harbiy bazalarida malaka oshirishi mumkinligi to‘g‘risida xabar berilgandi.
Izoh (0)