Мудофаа вазирлиги «Ўзбекистон Республикаси Мудофаа вазирлиги қўшинларига контракт бўйича ҳарбий хизматга номзодларни саралаш тартиби тўғрисидаги низомга ўзгартиришлар киритиш ҳақида»ги идоралараро қарор лойиҳасини муҳокамага қўйди.
Унга кўра, номзод Саралаш комиссияси котибига қуйидаги ҳужжатларни тақдим этиши лозим:
- биометрик паспорт ёки идентификация ID-картаси (нусхаси олиниб,асли қайтарилади);
- ҳарбий гувоҳнома (нусхаси олиниб, асли қайтарилади);
- туғилганлик ҳақида гувоҳнома (нусхаси олиниб, асли қайтарилади);
- номзод томонидан қўлда ёки компьютерда ёзилган таржимаи ҳол;
- анкета-маълумотнома.
Саралаш комиссияси баённомасидан кўчирма, шахсни тасдиқловчи ҳужжат (паспорт, ҳарбий гувоҳнома) нусхаси, наркологик, сил касалига қарши кураш, тери-таносил, психоневрологик диспансерлар ва ОИТСга қарши кураш марказидан олинган маълумотнома, сўнгги беш йил ичидаги амбулатор беморнинг тиббий картасидан кўчирма, мажбурий диагностика тадқиқотларининг натижалари билан бирга, деган сўзлар чиқариб ташланади.
Аввалроқ Ўзбекистонда давлатга етказилган зарар учун ҳарбий хизматчиларнинг моддий жавобгарлиги белгилангани, Ўзбекистонда хорижий давлатлар ҳарбий кадрларини тайёрлаш йўлга қўйилиши, Ўзбекистон Қуролли Кучлари Британия ҳарбий базаларида малака ошириши мумкинлиги тўғрисида хабар берилганди.
Изоҳ (0)