Buxoro viloyati G‘ijduvon tumanida sodir etilgan o‘g‘rilik jinoyatini maktab o‘quvchisi sodir qilgan, deya xabar qilmoqda viloyat Ichki ishlar boshqarmasi.
Ma’lum qilinishicha, 9-noyabrdan 12-noyabr kuniga qadar bo‘lgan vaqt oralig‘ida noma’lum shaxs “Sharq” mahallasida yashovchi R.Sh. (1975-yilda tug‘ilgan) ismli fuqaroning yashash uyiga g‘ayriqonuniy ravishda kirgan. U bir dona bahosi 3 million so‘mlik “Gerkules” velosipedini, bir dona bahosi 1 million so‘mlik yuk tashishga mo‘ljallangan aravasini hamda har birining bahosi 200 ming so‘mlik uch dona temir bochkani yashirin ravishda o‘g‘irlab, jabrlanuvchiga jami 4 million 600 ming so‘mlik moddiy zarar yetkazgan.
Mazkur holat yuzasidan tuman Ichki ishlar boshqarmasi huzuridagi Tergov bo‘limi tomonidan noma’lum shaxsga nisbatan Jinoyat kodeksining 169-moddasi (o‘g‘rilik) 2-qismi “g” bandi bilan jinoyat ishi qo‘zg‘atilgan.
Olib borilgan tezkor surishtiruv hamda tergov harakatlari davomida ushbu jinoyatni jabrlanuvchining mahalladoshi, 8-sinf o‘quvchisi voyaga yetmagan A.A. (2007-yilda tug‘ilgan) sodir qilgani aniqlangan.
Hozirda dastlabki tergov harakatlari davom ettirilmoqda.
Izoh (0)