2021-yilda Samarqand viloyatida 12 ta holatda is gazi va havo-gaz aralashmasining chaqnashi bilan bog‘liq noxush holatlar qayd etilgan. Uning oqibatida is gazidan 17 nafar, chaqnashdan bir nafar fuqaro vafot etgan. Bu haqda viloyat Favqulodda vaziyatlar boshqarmasi boshlig‘i Ilhom Ismoilov bilan bo‘lib o‘tgan matbuot anjumanida ma’lum qilindi, deya xabar bermoqda “Daryo” muxbiri.
Shuningdek, 18 nafar fuqarodan 4 nafari is gazidan, 14 nafari chaqnashdan jabrlangan.
O‘tgan yilgi is gazidan zaharlanish bilan bog‘liq holatlarning tahliliga ko‘ra, 2 ta holatda turmushda gazdan foydalanish qoidalarini qo‘pol ravishda buzilishi natijasida sodir bo‘lgan. Ya’ni gaz qozonining mo‘risini uyning poli ostiga ulab, undan isitish maqsadida foydalanmoqchi bo‘lgan yoki gaz komforkasini yoqqan holda nazoratsiz qoldirilishi, undan isitish maqsadida foydalangan.
2021-yilning 12-yanvar kuni Kattaqo‘rg‘on shahri “Go‘zal” mahallasi Qozoqovul qishlog‘ida sodir bo‘lgan achinarli holatda xonadon egasi gaz “kotyol”ining mo‘risini uyning poli ostiga ulab, undan isitish maqsadida foydalanganligi sabab bo‘lgan.
Bundan tashqari, 3 ta holatda qo‘lbola isitish pechlarining mo‘rilarini tozalanmasligi, chala yonish oqibatida zaharli kimyoviy birikmalarning xonadon ichiga yig‘ilishi va is gazidan o‘tkir zaharlanishga sabab bo‘lgan. O‘tgan yilning 18-oktabr kuni Narpay tumani “Narpay” mahallasida sodir bo‘lgan baxtsiz hodisada ana shunday holat sabab bo‘lgan.
2 ta holatda esa turmushda gazdan foydalanish qoidalarini qo‘pol ravishda buzilishi, ya’ni tabiiy gaz tarmoqlariga noqonuniy ulanish yoki belgilanmagan rezina shlanglardan tabiiy gaz tarmog‘ini tortish holatlarida is gazidan zaharlanish holatlari qayd etilgan. Shuningdek, gaz-havo aralashmasining chaqnash bilan bog‘liq holatlarning aksariyati (80 foizi) aynan suyultirilgan tabiiy gaz ballonlaridan texnika xavfsizligi qoidalariga amal qilmagan holda foydalanish sabab bo‘lgan.
Ilhom Ismoilovning ta’kidlashicha, 2022-yilning o‘tgan davri mobaynida is gazidan zaharlanish va gaz-havo aralashmasining chaqnashi bilan bog‘liq baxtsiz hodisalar qayd etilmagan.
Mavzuga doir:
Izoh (0)