Bugun,

  • USD 11095.31
  • RUB 173.84
  • EUR 10772.44

“Kommersant” sun’iy intellekt loyihasi hisoblangan “Medialogiya” ma’lumotlari asosida xalqaro siyosatda 2021-yilning eng yorqin, sershovqin voqea-hodisalarini tanlab oldi. Reyting voqea-hodisaning OAVda yoritilishi, nashrlarning bosh sahifalaridan o‘rin olishi va boshqa jihatlar asosida tuzib chiqilgan. 2021-yilning eng asosiy 15 ta voqea-hodisasiga aloqador fotogalereyani e’tiboringizga havola qilamiz.

Afg‘onistonning “Tolibon” tomonidan egallanishi

O‘tgan yili 1-mayda “Tolibon” harakati AQSh harbiy kontingentining Afg‘onistondan olib chiqib ketilishi haqidagi bayonotdan keyin mamlakatdagi hukumat kuchlariga qarshi faol hujum operatsiyalarini boshladi. 15-avgustda toliblar poytaxt Kobulni egalladi, prezident Ashraf G‘ani esa mamlakatdan qochib ketdi. Keyinchalik G‘anining BAAda ekanligi ma’lum bo‘ldi.

Foto: AP Photo

Polsha va Belarus chegarasidagi migratsion inqirozMazkur inqiroz 2021-yil bahorida Iroq va Suriyadan minglab qochoqlarning Belarus orqali Yevropa ittifoqi hududiga o‘tish uchun kelganidan keyin boshlangan. Noyabrda ular kuch bilan chegarani kesib o‘tishga urindi. Ayni vaqtda Belarus–Polsha chegarasida yuzlab qochoqlar lagerda qolgan. Ularning aksar qismi Iroqqa qaytgani haqida ham xabarlar berilgan. Buyuk Britaniya va Yevropa Ittifoqi rasmiylari Belarusni mazkur inqirozda asosiy aybdorlardan biri ekanligini qayd etgan.

Foto: “Kommersant”

Roman Protasevichning Minsk aeroportida hibsga olinishi2021-yil 23-may kuni Ryanair kompaniyasining samolyoti Belarus hukumatining topshirig‘iga asosan Minskdagi aeroportga majburan qo‘ndirildi va bort ichida bo‘lgan Nexta Telegram kanali sobiq bosh muharriri Roman Protasevich hamda uning yonida bo‘lgan rossiyalik Sofiya Sapegu hibsga olindi. Ularga qarshi jinoiy ishlar ochildi, ikkovi ham uy qamog‘ida saqlanmoqda.

Roman Protasevich

Roman Protasevich
Foto: AP Photo

Koronavirusning yangi – “omikron” shtammiJSST ma’lumotlariga ko‘ra, shtamm ilk bor 2021-yil 9-noyabrda Botsvanadan olingan namunada aniqlangan. Keyinchalik shtamm bilan kasallanish bo‘yicha bir nechta holat JAR va boshqa mamlakatlarda qayd etilgan. Yil oxiriga kelib ko‘plab davlatlar, jumladan, MDH davlatlari koronavirusning yangi shtammi tufayli cheklov choralarini kuchaytirdi.

Foto: AP Photo

Isroil hamda Falastin o‘rtasidagi nizoning keskinlashuvi2021-yil 10-mayda Falastinning HAMAS harakati G‘azo sektorida Isroil tomoniga ommaviy raketalar hujumini amalga oshirdi. Isroil armiyasi bunga javob qaytardi va Falastin hududiga hujum uyushtirdi. Ikki tomondan 200 dan ziyod odam halok bo‘ldi. 21-may kuni tomonlar o‘t ochishni to‘xtatish borasida kelishuvga erishdi.

Foto: AP Photo

Vashingtondagi Kapitoliyga hujum2021-yil 6-yanvarda AQShdagi Kapitoliyda Tramp tarafdorlari uyushtirgan miting qurolli to‘qnashuvga aylanib ketdi. Sobiq prezident Donald Tramp tarafdorlari binoni shturm bilan ishg‘ol qildi. Mazkur ish yuzasidan 60 dan ziyod odam qamoqqa olinib, mitingda qatnashgan 600 dan ziyod ishtirokchiga ayblov e’lon qilingan.

Foto: Reuters

Rossiya hamda Chexiya o‘rtasidagi diplomatik mojaro2021-yil aprel oyida Moskva va Praga o‘rtasidagi qarama-qarshilik oqibatida ikki davlat o‘nlab diplomatlarni qaytarib yubordi. Bunday keskinlik Chexiyaning Rossiya maxsus xizmatlari xodimlarining 2014-yil oktabr oyida Vrbetitsa qishlog‘idagi qurol-yarog‘ omborida yuz bergan portlashga aloqadorligini ma’lum qilganidan keyin boshlandi.

Foto: AP Photo

Jo Baydenning inauguratsiyasi2021-yil 20-yanvarda Jo Bayden (chapda) AQSh prezidentligiga rasman kirishdi. 2020-yil noyabrda bo‘lib o‘tgan AQShdagi prezidentlik saylovlarida u respublikachilar vakili, amaldagi prezident Donald Trampni mag‘lub etgandi.

Foto: AP Photo

Mixail Saakashvilining Gruziyaga qaytishi va u yerda hibsga olinishi2021-yil 1-oktabrda Gruziyada mamlakat sobiq prezidenti Mixail Saakashvili hibsga olindi, u respublikaga noqonuniy yo‘l bilan kelgandi. Siyosatchiga nisbatan vatanida bir nechta jinoiy ishlar ochilgan.

Mixail Saakashvili (markazda)

Mixail Saakashvili (markazda)
Foto: AP Photo

Armanistondagi norozilik namoyishlariHukumatga qarshi norozilik namoyishlari 2020-yil noyabr oyida Tog‘li Qorabog‘da o‘t ochmaslik borasida Ozarbayjon bilan kelishuv imzolanganidan keyin boshlangan. Mitinglarda qatnashayotganlar amaldagi bosh vazir Nikol Pashinyanning iste’fosini so‘radi. 2021-yil 18-mart kuni u navbatdan tashqari parlament saylovlarining o‘tkazilishini e’lon qildi. 20-iyunda uning partiyasi “Fuqarolik shartnomasi” saylovlarda g‘olib chiqdi va Pashinyan bosh vazir lavozimiga qayta saylandi.

Foto: “Kommersant”

Donald Trampga e’lon qilingan impichment2021-yil 13-yanvarda AQSh Vakillar palatasi o‘sha vaqtda amaldagi prezident hisoblangan Donald Trampga ishonchsizlik bildirib, impichment e’lon qildi. Uning prezidentlik davrida mazkur siyosiy jarayon ikki marta sodir bo‘ldi: birinchi impichment 2019-yil dekabr oyida e’lon qilingan, biroq Senat o‘shanda Trampni oqlagandi.

Foto: AP Photo

Germaniyadagi saylovlar2021-yil 26-sentabrda Germaniya Federativ Respublikasida parlament saylovi o‘tkazildi. 8-dekabrda Bundestag deputatlari Germaniya sotsial-demokratik partiyasi a’zosi Olaf Sholtsni federal kansler lavozimiga saylashdi, shu tariqa Angela Merkel o‘z lavozimini tark etdi.

Foto: AP Photo

Qirg‘iziston va Tojikiston chegarasidagi nizo2021-yil 28-aprelda qirg‘iz-tojik chegarasidagi vaziyat suv masalasidagi muammolar sabab keskinlashdi. Bu esa Qirg‘iziston hamda Tojikiston harbiylari o‘rtasidagi otishmaga olib keldi va 50 nafarga yaqin odam halok bo‘ldi. 1-mayda Qirg‘iziston va Tojikiston chegarada harbiy harakatlarni to‘xtatish borasida o‘zaro kelishuvga erishdi.

Foto: AP Photo

Ijtimoiy tarmoqlar faoliyatidagi katta uzilish2021-yil 4-oktabrda Facebook Inc. (Facebook, Instagram, WhatsApp) kompaniyasida keng qamrovli, global miqyosdagi uzilishlar sodir bo‘ldi. Servislar faoliyati 7 soatdan oshiq vaqt davomida ishlamadi. Bu vaqt davomida Telegram messenjeridan foydalanuvchilar soni keskin ko‘paygan.

Foto: “Kommersant”

Konteyner tashuvchi Ever Given kemasi bilan sodir bo‘lgan halokat2021-yil 23-mart kuni konteyner tashuvchi kema Suvaysh kanalida qumga botib qoldi. Oqibatda 400 dan ziyod kema harakati to‘xtab qoldi va tahlilchilarning qayd etishicha, dunyo iqtisodiyotiga 9,6 milliard dollar miqdorida zarar keltirdi. Oradan olti kun o‘tgach, kema qum “tutqunligi”dan qutuldi.

Foto: Reuters

Izoh
Asosiy yangiliklar
Dunyo
Ilon Mask Twitter’da Apple reklamalari tiklanganini e’lon qildi
Dunyo
Turkiyaning Kizilelma qiruvchi droni ilk parvozni amalga oshirdi (video)
Dunyo
Xitoy Rossiyaga harbiy yordam ko‘rsatdimi?