• USD12557.56
    • RUB159.44
    • EUR14809.13
    Daryo.uz - Login
    Dunyo

    Ishonish qiyin, ammo ba’zida siyosatchilar ham o‘z ixtiyori bilan iste’foga chiqadi. Yakuniga yetayotgan Merkel davri — fotosuratlarda

    Germaniyada 26-sentabr kuni parlament saylovlari bo‘lib o‘tdi, uning yakunlariga ko‘ra, Angela Merkel kansler lavozimini tark etadi. U mag‘lubiyatsiz ketmoqda: u hukumat rahbarligini o‘z ixtiyori bilan topshirishga qaror qildi, ushbu lavozimda 16 yil ishlab, bu borada ustozi Gelmut Kolning rekordini yangiladi. Jahon siyosatidagi eng katta ta’sirga ega ayol bilan xayrlashish bir necha oy davom etishi mumkin, chunki yangi hukmron koalitsiyani tuzish bo‘yicha muzokaralar cho‘zilishi kutilmoqda. Shunga qaramay, Merkel davri nihoyalab bormoqda. Meduza uning faoliyatidagi muhim bosqichlar aks etgan fotosuratlarni jamladi.

    Angela Kasner (turmushga chiqqach Merkel familiyasini olgan) Himmelpfortdagi lagerda ovqat pishirmoqda. Leypsig universitetida fizika yo‘nalishi bo‘yicha tahsil olgan Merkel 1973-yilning iyulida oliygohni tugatgandan so‘ng do‘stlari bilan shu lagerga kelgan. Merkel mamlakat g‘arbidagi Gamburgda tug‘ilgan bo‘lsa-da, Sharqiy Germaniyada o‘sgan.

    Angela Kasner (turmushga chiqqach Merkel familiyasini olgan) Himmelpfortdagi lagerda ovqat pishirmoqda. Leypsig universitetida fizika yo‘nalishi bo‘yicha tahsil olgan Merkel 1973-yilning iyulida oliygohni tugatgandan so‘ng do‘stlari bilan shu lagerga kelgan. Merkel mamlakat g‘arbidagi Gamburgda tug‘ilgan bo‘lsa-da, Sharqiy Germaniyada o‘sgan.
    Foto: AFP

    Merkel qizg‘in siyosiy faoliyatini Germaniya Demokratik Respublikasining so‘nggi yillarida boshlagan va “Demokratik yutuqlar” guruhiga qo‘shilgan. Germaniya birlashgandan ko‘p o‘tmay, Merkel Ayollar va yoshlar ishlari bo‘yicha federal vaziri etib tayinlandi. Shu tariqa u Sharqiy Germaniyaning umumgerman tuzilmasidagi ilk vakillardan biriga aylandi. Merkel 1991-yil 18-yanvarda Bundestagda qasamyod qildi. O‘sha paytda parlament majlislari hali G‘arbiy Germaniya poytaxti Bonnda o‘tkazilardi.

    Merkel qizg‘in siyosiy faoliyatini Germaniya Demokratik Respublikasining so‘nggi yillarida boshlagan va “Demokratik yutuqlar” guruhiga qo‘shilgan. Germaniya birlashgandan ko‘p o‘tmay, Merkel Ayollar va yoshlar ishlari bo‘yicha federal vaziri etib tayinlandi. Shu tariqa u Sharqiy Germaniyaning umumgerman tuzilmasidagi ilk vakillardan biriga aylandi. Merkel 1991-yil 18-yanvarda Bundestagda qasamyod qildi. O‘sha paytda parlament majlislari hali G‘arbiy Germaniya poytaxti Bonnda o‘tkazilardi.
    Foto: AFP

    Merkelning siyosiy karyerasi tez rivojlandi: 1991-yil dekabrda u Xristian demokratik ittifoqida kansler Gelmut Kolning o‘rinbosariga aylandi. Uni istehzo bilan — “Kolyaning qizi” deb atashardi.

    Merkelning siyosiy karyerasi tez rivojlandi: 1991-yil dekabrda u Xristian demokratik ittifoqida kansler Gelmut Kolning o‘rinbosariga aylandi. Uni istehzo bilan — “Kolyaning qizi” deb atashardi.
    Foto: LETA

    Vaqt o‘tishi bilan Merkelning mehnatsevarligi tillarga tushdi. 1992-yil 3-fevralda u uch hafta oldin oyog‘ini sindirib olganiga qaramay, Xristian demokratik ittifoqi prezidiumining yig‘ilishida qatnashdi.

    Vaqt o‘tishi bilan Merkelning mehnatsevarligi tillarga tushdi. 1992-yil 3-fevralda u uch hafta oldin oyog‘ini sindirib olganiga qaramay, Xristian demokratik ittifoqi prezidiumining yig‘ilishida qatnashdi.
    Foto: AP Photo

    Ayollar va yoshlar ishlari vazirligi kichik muassasa edi, 1994-yilda Merkel kattaroq vazirlikni o‘z qo‘liga oldi — u atrof-muhitni muhofaza qilish vaziri etib tayinlandi. Yangi yil arafasida vazirlik uning ishtirokida reklama e’lon qildi: Merkel sovg‘a o‘raydigan qog‘ozni qayta ishlatish uchun qanday tayyorlash mumkinligini ko‘rsatgan. Bundan maqsad yog‘ochni tejash va o‘rmonlarning kesilishini kamaytirish edi.

    Ayollar va yoshlar ishlari vazirligi kichik muassasa edi, 1994-yilda Merkel kattaroq vazirlikni o‘z qo‘liga oldi — u atrof-muhitni muhofaza qilish vaziri etib tayinlandi. Yangi yil arafasida vazirlik uning ishtirokida reklama e’lon qildi: Merkel sovg‘a o‘raydigan qog‘ozni qayta ishlatish uchun qanday tayyorlash mumkinligini ko‘rsatgan. Bundan maqsad yog‘ochni tejash va o‘rmonlarning kesilishini kamaytirish edi.
    Foto: ullstein bild

    1996-yil fevral oyida Merkel Chernobil AESga tashrif buyurdi. Zavoddagi falokat nemis jamiyatida katta taassurot qoldirgan, bu hodisa “Yashillar” harakatining xalq orasida mashhur bo‘lishi, shuningdek, atom energiyasidan voz kechish haqida jiddiy munozaralarning boshlanishiga yordam berdi. Merkel kansler bo‘lgach, Fukusima avariyasidan keyin, bu jarayonni kuchaytirib kelmoqda.

    1996-yil fevral oyida Merkel Chernobil AESga tashrif buyurdi. Zavoddagi falokat nemis jamiyatida katta taassurot qoldirgan, bu hodisa “Yashillar” harakatining xalq orasida mashhur bo‘lishi, shuningdek, atom energiyasidan voz kechish haqida jiddiy munozaralarning boshlanishiga yordam berdi. Merkel kansler bo‘lgach, Fukusima avariyasidan keyin, bu jarayonni kuchaytirib kelmoqda.
    Foto: Getty Images

    1998-yilgi saylovlarda xristian -demokratlar mag‘lubiyatga uchraganidan so‘ng, Merkel Germaniya hukumatini tark etdi, lekin Bundestag a’zosi bo‘lib qoldi va Xristian-demokratlar ittifoqining bosh kotibiga (aslida partiya ishining rahbari) aylandi. Ushbu fotosurat 2000-yil mart oyida Boltiqbo‘yida olingan.

    1998-yilgi saylovlarda xristian -demokratlar mag‘lubiyatga uchraganidan so‘ng, Merkel Germaniya hukumatini tark etdi, lekin Bundestag a’zosi bo‘lib qoldi va Xristian-demokratlar ittifoqining bosh kotibiga (aslida partiya ishining rahbari) aylandi. Ushbu fotosurat 2000-yil mart oyida Boltiqbo‘yida olingan.
    Foto: ullstein bild

    Xristian-demokratlar ittifoqining to‘laqonli yetakchisi Angela Merkel 2005-yil 18-sentabrda bo‘lib o‘tgan saylovlarda ovoz bermoqda. Ushbu saylovdagi g‘alaba natijasida u mamlakat hukumatini boshqardi va keyingi 16 yil davomida kansler bo‘lib qoldi.

    Xristian-demokratlar ittifoqining to‘laqonli yetakchisi Angela Merkel 2005-yil 18-sentabrda bo‘lib o‘tgan saylovlarda ovoz bermoqda. Ushbu saylovdagi g‘alaba natijasida u mamlakat hukumatini boshqardi va keyingi 16 yil davomida kansler bo‘lib qoldi.
    Foto: EPA

    Germaniya Federativ Respublikasining birinchi ayol kansleriga aylangan Angela Merkelning portreti Berlindagi KanzlerEck (“Kansler burchagi”) mehmonxonasida avvalgi hukumat rahbarlarining portretlari yoniga ilinmoqda. 2005-yil 23-noyabr.

    Germaniya Federativ Respublikasining birinchi ayol kansleriga aylangan Angela Merkelning portreti Berlindagi KanzlerEck (“Kansler burchagi”) mehmonxonasida avvalgi hukumat rahbarlarining portretlari yoniga ilinmoqda. 2005-yil 23-noyabr.
    Foto: EPA

    Angela Merkel, Vladimir Putin va labrador Konni “Bocharov Ruchey” qarorgohida, 2007-yil 21- yanvar. Kansler itlarni yoqtirmaydi. Ikki rahbar o‘rtasidagi shaxsiy munosabatlar hech qachon iliqlashmagan: Qrim Rossiyaga qo‘shib olingandan so‘ng, Amerika matbuoti xabarida yozilishicha, Merkel Obamaga Rossiya prezidenti “butunlay boshqa dunyoda yashayotganini” aytgan.

    Angela Merkel, Vladimir Putin va labrador Konni “Bocharov Ruchey” qarorgohida, 2007-yil 21- yanvar. Kansler itlarni yoqtirmaydi. Ikki rahbar o‘rtasidagi shaxsiy munosabatlar hech qachon iliqlashmagan: Qrim Rossiyaga qo‘shib olingandan so‘ng, Amerika matbuoti xabarida yozilishicha, Merkel Obamaga Rossiya prezidenti “butunlay boshqa dunyoda yashayotganini” aytgan.
    Foto: “TASS”

    Merkel siyosatining asosiy yo‘nalishlaridan biri mamlakatni xavfli va qayta tiklanmaydigan energiya manbalaridan bosqichma-bosqich voz kechishiga qaratilgan energetik burilish (Energiewende) edi. 2010-yil 18-avgustda u Krempindagi shamol elektrostansiyasiga tashrif buyurdi. “Yashil energiya”ga yirik hajmdagi sarmoyalar kiritilganiga qaramay, Germaniya hukumati o‘z oldiga qo‘ygan maqsadlarning hammasiga erisha olmadi. Shu sababli Merkel hukumati uchun “Shimoliy oqim 2” quvurini qurib bitkazish muhim ahamiyatga ega bo‘ldi. Loyiha atom energiyasidan voz kechish va ko‘mir qazib olish oqibatida ko‘rilgan zararni qoplashi kerak edi.

    Merkel siyosatining asosiy yo‘nalishlaridan biri mamlakatni xavfli va qayta tiklanmaydigan energiya manbalaridan bosqichma-bosqich voz kechishiga qaratilgan energetik burilish (Energiewende) edi. 2010-yil 18-avgustda u Krempindagi shamol elektrostansiyasiga tashrif buyurdi. “Yashil energiya”ga yirik hajmdagi sarmoyalar kiritilganiga qaramay, Germaniya hukumati o‘z oldiga qo‘ygan maqsadlarning hammasiga erisha olmadi. Shu sababli Merkel hukumati uchun “Shimoliy oqim 2” quvurini qurib bitkazish muhim ahamiyatga ega bo‘ldi. Loyiha atom energiyasidan voz kechish va ko‘mir qazib olish oqibatida ko‘rilgan zararni qoplashi kerak edi.
    Foto: Getty Images

    Yillar davomida Merkel Germaniyaning eng sevimli siyosatchisiga aylandi. Uning o‘z farzandlari yo‘q, lekin nemis gazetalarida uni “onajon” (Mutti) deb atashadi. Suratda u Germaniya shimolidagi o‘zini saylagan Marlou okrugidagi bog‘da to‘tiqushlarni ovqatlantirmoqda. 2012-yil 17-aprel

    Yillar davomida Merkel Germaniyaning eng sevimli siyosatchisiga aylandi. Uning o‘z farzandlari yo‘q, lekin nemis gazetalarida uni “onajon” (Mutti) deb atashadi. Suratda u Germaniya shimolidagi o‘zini saylagan Marlou okrugidagi bog‘da to‘tiqushlarni ovqatlantirmoqda. 2012-yil 17-aprel
    Foto: DPA

    Mavzuga doir: Merkel iste’fosidan avval Qushlar parkiga tashrif buyurib, to‘tiqushlarni ovqatlantirdi (foto)

    Chapdan o‘ngga: Buyuk Britaniya bosh vaziri Devid Kameron, AQSh prezidenti Barak Obama, Angela Merkel va Yevrokomissiya raisi Xose Manuel Barrosa 2012-yil 19-maydagi “Chelsi” — “Bavariya” Chempionlar ligasi finalini tomosha qilmoqda. Unda Angliya penaltilar seriyasida g‘alaba qozongandi.

    Chapdan o‘ngga: Buyuk Britaniya bosh vaziri Devid Kameron, AQSh prezidenti Barak Obama, Angela Merkel va Yevrokomissiya raisi Xose Manuel Barrosa 2012-yil 19-maydagi “Chelsi” — “Bavariya” Chempionlar ligasi finalini tomosha qilmoqda. Unda Angliya penaltilar seriyasida g‘alaba qozongandi.
    Foto: Reuters

    Aytishlaricha, Angela Merkel va Barak Obama o‘rtasida alohida hamfikrlik bor edi. Surat 2015-yil iyun oyida Bavariya Alplarida bo‘lib o‘tgan G7 sammiti doirasida ikki siyosatchining uchrashuvidan olingan.

    Aytishlaricha, Angela Merkel va Barak Obama o‘rtasida alohida hamfikrlik bor edi. Surat 2015-yil iyun oyida Bavariya Alplarida bo‘lib o‘tgan G7 sammiti doirasida ikki siyosatchining uchrashuvidan olingan.
    Foto: AP Photo

    2015-yildagi migratsion inqiroz Angela Merkel uchun eng og‘ir sinovlardan biri bo‘ldi. 25-avgustda Merkel hukumati Germaniyadan boshpana olish qoidalarining yengillashtirilishini e’lon qildi, ertasi kuni esa kansler mamlakat sharqidagi Xaydenau lageriga tashrif buyurdi. Keyingi oylarda mamlakatga Yaqin Sharqdan bir necha million qochqin keldi. Merkelning siyosatini o‘nglar ham, so‘llar ham tanqid qildi, natijada “Germaniya uchun muqobil” o‘nglar populistining mashhurligi oshdi.

    2015-yildagi migratsion inqiroz Angela Merkel uchun eng og‘ir sinovlardan biri bo‘ldi. 25-avgustda Merkel hukumati Germaniyadan boshpana olish qoidalarining yengillashtirilishini e’lon qildi, ertasi kuni esa kansler mamlakat sharqidagi Xaydenau lageriga tashrif buyurdi. Keyingi oylarda mamlakatga Yaqin Sharqdan bir necha million qochqin keldi. Merkelning siyosatini o‘nglar ham, so‘llar ham tanqid qildi, natijada “Germaniya uchun muqobil” o‘nglar populistining mashhurligi oshdi.
    Foto: AFP

    Angela Merkel Kil shahridagi harbiy-dengiz bazasiga tashrifi chog‘ida. 2016-yil 19-yanvar

    Angela Merkel Kil shahridagi harbiy-dengiz bazasiga tashrifi chog‘ida. 2016-yil 19-yanvar
    Foto: Reuters

    Maxsus ko‘zoynak taqqan Angela Merkel astronavtlarni tayyorlash bo‘yicha Yevropa markaziga tashrifi chog‘ida. Keln, 2016 yil 18 –may

    Maxsus ko‘zoynak taqqan Angela Merkel astronavtlarni tayyorlash bo‘yicha Yevropa markaziga tashrifi chog‘ida. Keln, 2016 yil 18 –may
    Foto: Getty Images

    Agar Merkel Barak Obama bilan juda iliq munosabatda bo‘lgan bo‘lsa, Donald Tramp kanslerning asosiy raqiblaridan biriga aylandi. Tramp uni bir tarafdan Rossiyaga qarshi sanksiyalar joriy etib, boshqa tarafdan “Shimoliy oqim 2” quvurini qurayotgani va NATO oldidagi moliyaviy majburiyatlarini bajarmayotgani uchun tanqid qildi. 2018-yilda Kvebekdagi G7 sammitidan oldin, Tramp Qrimni Rossiya hududi deb bilishi haqida bir nechta shov-shuvli bayonotlar berdi, uchrashuvni esa qo‘shma bayonotga imzo chekmasdan tark etdi.

    Agar Merkel Barak Obama bilan juda iliq munosabatda bo‘lgan bo‘lsa, Donald Tramp kanslerning asosiy raqiblaridan biriga aylandi. Tramp uni bir tarafdan Rossiyaga qarshi sanksiyalar joriy etib, boshqa tarafdan “Shimoliy oqim 2” quvurini qurayotgani va NATO oldidagi moliyaviy majburiyatlarini bajarmayotgani uchun tanqid qildi. 2018-yilda Kvebekdagi G7 sammitidan oldin, Tramp Qrimni Rossiya hududi deb bilishi haqida bir nechta shov-shuvli bayonotlar berdi, uchrashuvni esa qo‘shma bayonotga imzo chekmasdan tark etdi.
    Foto: Reuters

    Qo‘llarni shu tarzda qovushtirish “Merkel jesti” deb atala boshladi.

    Qo‘llarni shu tarzda qovushtirish “Merkel jesti” deb atala boshladi.
    Foto: photothek.net

    Kanslerning bir rangda kostyum kiyishi ham o‘zgarmas qoidaga aylangandi

    Kanslerning bir rangda kostyum kiyishi ham o‘zgarmas qoidaga aylangandi
    Foto: EPA

    Ukraina Prezidenti Vladimir Zelenskiy ilk xorijiy tashrifini 2019-yil 18-iyun kuni Berlinga uyushtirdi. Zelenskiyning maqsadlaridan biri Germaniyaning “Shimoliy oqim 2”dan voz kechishiga erishish edi — bu quvur orqali Ukraina Rossiya gazining tranzitidan oladigan daromadidan mahrum bo‘lardi. Lekin Zelenskiy o‘shanda ham, undan keyin ham maqsadiga erisha olmadi. Kansler lavozimidagi so‘nggi yillarda Merkel Ukraina sharqidagi nizoni hal qilishda u qadar faollik ko‘rsatmagan, lekin aynan uning diplomatik sa’y-harakatlari tufayli 2015-yil boshida Minsk kelishuvlari imzolandi, shundan so‘ng mintaqada faol harbiy harakatlar to‘xtatilgan.

    Ukraina Prezidenti Vladimir Zelenskiy ilk xorijiy tashrifini 2019-yil 18-iyun kuni Berlinga uyushtirdi. Zelenskiyning maqsadlaridan biri Germaniyaning “Shimoliy oqim 2”dan voz kechishiga erishish edi — bu quvur orqali Ukraina Rossiya gazining tranzitidan oladigan daromadidan mahrum bo‘lardi. Lekin Zelenskiy o‘shanda ham, undan keyin ham maqsadiga erisha olmadi. Kansler lavozimidagi so‘nggi yillarda Merkel Ukraina sharqidagi nizoni hal qilishda u qadar faollik ko‘rsatmagan, lekin aynan uning diplomatik sa’y-harakatlari tufayli 2015-yil boshida Minsk kelishuvlari imzolandi, shundan so‘ng mintaqada faol harbiy harakatlar to‘xtatilgan.
    Foto: AFP

    Pandemiya Merkel uchun ham siyosiy g‘alaba, ham sinov bo‘ldi. Dastlabki oylarda nemislar iqtisodiyotga yordam sifatida ko‘rilgan choralari bilan bir qatorda hukumat tomonidan qo‘yilgan qattiq cheklovlarni qo‘llab-quvvatladi, bu davrda ko‘plab siyosatchilar hatto Merkel o‘z lavozimini tark etmasdan beshinchi muddatga kanslerlikni davom ettirishi kerakligi haqida gapira boshlashdi. Ammo emlash kampaniyasi boshlanishi va cheklovlarning bosqichma-bosqich olib tashlanishi bilan tanqidlar sezilarli darajada oshdi. Merkelning o‘zi ushbu suratdagi kabi haligacha har qanday yopiq binoda niqobda yuradi. Surat 2021-yil 13-yanvarda Bundestag yig‘ilishi paytida olingan.

    Pandemiya Merkel uchun ham siyosiy g‘alaba, ham sinov bo‘ldi. Dastlabki oylarda nemislar iqtisodiyotga yordam sifatida ko‘rilgan choralari bilan bir qatorda hukumat tomonidan qo‘yilgan qattiq cheklovlarni qo‘llab-quvvatladi, bu davrda ko‘plab siyosatchilar hatto Merkel o‘z lavozimini tark etmasdan beshinchi muddatga kanslerlikni davom ettirishi kerakligi haqida gapira boshlashdi. Ammo emlash kampaniyasi boshlanishi va cheklovlarning bosqichma-bosqich olib tashlanishi bilan tanqidlar sezilarli darajada oshdi. Merkelning o‘zi ushbu suratdagi kabi haligacha har qanday yopiq binoda niqobda yuradi. Surat 2021-yil 13-yanvarda Bundestag yig‘ilishi paytida olingan.
    Foto: Bildgehege

    Mavzuga doir: Angela Merkel — GDRda yashagan cherkov xodimining qizi, birinchi kansler ayol va Germaniyani defitsitdan qutqargan inson. Merkel boshqaruvining 16 yillik davri haqida

    Javob qoldiring

    Mavzuga doir

    ×Lightbox Image

    Daryo.uz | Sizning muammoingiz yechimi


    Qashqadaryo va Buxoroda amalga oshirilgan quyosh energiyasi loyihalariga 1 yil to‘lishi munosabati bilan rasmiy tadbir bo‘lib o‘tdi


    Kapitalbank investitsiyalari – O‘zbekiston yoshlari kelajagiga sarmoya


    NRG Uzbekistan 60 gektar maydonda "shahar ichida shahar" keng ko‘lamli turar-joy loyihasini ishga tushirmoqda


    Hududiy elektr tarmoqlari” AJ Fitch Ratings agentligining xalqaro kredit reytingini “BB, barqaror” darajasiga oshirdi


    Toshkentda Sting brendi homiyligida "Formula-1" filmining premyerasi bo‘lib o‘tdi


    HONOR ilhomlantiruvchi AI texnologiyalarga ega HONOR 400 seriyasini taqdim etdi


    Faqat tekshirilgan foydalanuvchilar: nima uchun to‘lov ilovalari  shaxsni tasdiqlashni so‘raydi


    Inflyatsiya va jamg‘armalar: Nega pul o‘z qiymatini yo‘qotadi?


    “AloqaBank” yoshlar bilan ishlashga oid dasturlarni kengaytirmoqda


    “O‘zbekgidroenergo” AJning xalqaro kredit reytingi BB (barqaror) darajasiga ko‘tarildi


    NRG Uzbekistan zamonaviy va keng majmua — Maftun Makon turar joy mavzesini qurish bo‘yicha ulkan loyihani amalga oshirmoqda


    Yoz osmonning o‘zidayoq boshlanadi: Silk Avia Toshkentdan Issiqko‘lga kunlik aviaqatnovlarni yo‘lga qo‘ymoqda


    Fitch Ratings “Biznesni rivojlantirish banki” ATB kredit reytingini oshirdi 


    Fitch Kapitalbankning reytingini "Ijobiy" prognoz bilan tasdiqladi


    Smart Business va UZCARD Farg‘ona tadbirkorlari uchun yangi imkoniyatlar eshigini ochmoqda