O‘zbekiston 11 oyda qaysi davlatlarga eng ko‘p avtomobil eksport qilgani ma’lum bo‘ldi

Davlat statistika qo‘mitasi O‘zbekiston 2021-yilning yanvar—noyabr oylarida qaysi davlatlarga yengil avtomobil eksport qilganini ma’lum qildi.

Qayd etilishicha, eng ko‘p avtomobil qo‘shni Qozog‘istonga eksport qilingan — 28 651 ta. Keyingi o‘rinlardan Ukraina (744 ta) va Rossiya (448 ta) joy olgan. Keyingi pog‘onalar quyidagicha:

• Ozarbayjon — 253 ta;
• Afg‘oniston — 128 ta;
• Tojikiston — 72 ta;
• Qirg‘iziston — 30 ta.

Eslatib o‘tamiz, O‘zbekiston yanvar–noyabr oylarida xorijdan 503 million dollarlik 23 155 ta avtomobil import qilgan. Shu davr ichida Xitoydan — 6963 ta, Janubiy Koreyadan esa 5630 ta yengil avtomobil olib kelingan. Import hajmi 2020-yilning mos davri bilan solishtirilganda 179 taga kamaygan.