Ўзбекистон 11 ойда қайси давлатларга энг кўп автомобиль экспорт қилгани маълум бўлди

Давлат статистика қўмитаси Ўзбекистон 2021 йилнинг январь—ноябрь ойларида қайси давлатларга енгил автомобиль экспорт қилганини маълум қилди.

Қайд этилишича, энг кўп автомобиль қўшни Қозоғистонга экспорт қилинган — 28 651 та. Кейинги ўринлардан Украина (744 та) ва Россия (448 та) жой олган. Кейинги поғоналар қуйидагича:

• Озарбайжон — 253 та;
• Афғонистон — 128 та;
• Тожикистон — 72 та;
• Қирғизистон — 30 та.

Эслатиб ўтамиз, Ўзбекистон январь–ноябрь ойларида хориждан 503 миллион долларлик 23 155 та автомобиль импорт қилган. Шу давр ичида Хитойдан — 6963 та, Жанубий Кореядан эса 5630 та енгил автомобиль олиб келинган. Импорт ҳажми 2020 йилнинг мос даври билан солиштирилганда 179 тага камайган.