Gurbanguli Berdimuhamedov munajjimlar bashorati asosida 2022-yil uchun tavsiyalar berdi

Turkmaniston prezidenti Gurbanguli Berdimuhamedov 27-dekabr kuni hukumatning 2021-yildagi faoliyati yakunlariga bag‘ishlangan Vazirlar Mahkamasi va Xavfsizlik kengashining qo‘shma majlisini o‘tkazdi. Bu haqda “Xronika Turkmenistana” xabar berdi.

Yig‘ilish yakunida davlat rahbari barcha hukumat a’zolarini kirib kelayotgan Yangi yil bayrami bilan tabrikladi. Turkmaniston davlat axborot agentligi xabariga ko‘ra, Berdimuhamedov 2022-yilning ramzi yo‘lbars bo‘lishini aytib, uning xususiyatlari haqida gapirgan.

“Qoplon — aqlli, jismonan rivojlangan va jur’atli mavjudot bo‘lib, xuddi shunday xarakterga ega bo‘lganlarni yoqtiradi”, — dedi Berdimuhamedov hamda hayvonning turtkilash va sustkashlikni yoqtirmasligini qo‘shimcha qildi.

Ana shu xususiyatlarni inobatga olgan holda Turkmaniston rahbari kelgusi yil uchun quyidagi tavsiyalarni berdi:

• yo‘lbarsga o‘xshash uchun o‘z-o‘zini takomillashtirish, yangiliklarni anglash va innovatsiyalarda ishtirok etish bilan faol shug‘ullanish zarur;
• 2022-yil til o‘rganish va mutaxassisliklarni o‘zlashtirish uchun qulay yil bo‘ladi;
• yo‘lbars yili sog‘liq uchun jiddiy muammolarni keltirib chiqarmaydi, ayniqsa, faol hayot tarzi tarafdorlari uchun yaxshi keladi;
• yo‘lbars ruhiyatining kuchliligi barcha masalalarni hal qilishga yordam beradi. Yo‘lbars yilida tug‘ilganlar yaxshi fe’l-atvor, kuch-quvvat, xushmuomalalik bilan ajralib turadi, biznes va ijodda muvaffaqiyatlarga erishadi.

Sharq astrologiyasidan tashqari, Berdimuhamedov numerologiyaga ishonadi, 7 raqamini omadli deb hisoblaydi. Bu raqam ko‘pincha davlat rahbari qatnashadigan poygalardagi avtomobillar va otlarda qo‘llaniladi. 2017-yilda Turkman oti kunini nishonlashda Berdimuhamedovga yettita Axaltek oti sovg‘a qilingan edi. Prezident samolyotlarining bort raqamlarida ham ushbu raqam aks etgan — EZ-777 (Boeing-777), EZ-007 (Boeing-737) va EZ-700 (Boeing-737).