Fransiyada Milliy sog‘liqni saqlash agentligi o‘tgan bir sutka davomida mamlakatda 179 807 kishida koronavirus aniqlanganini ma’lum qildi, deb xabar beradi “Interfaks”. Bu mamlakatda pandemiya boshlanganidan buyon qayd etilgan eng yuqori ko‘rsatkich hisoblanadi.
BFMTV telekanali ushbu raqamlarning e’lon qilinishi bilan sog‘liqni saqlash vaziri Olviye Veran o‘tgan hafta mamlakatda koronavirus bilan kunlik kasallanish holatlari 100 mingga yetishini aytganini eslatib o‘tgan. Biroq so‘nggi raqamlar prognozlardan ancha o‘tib ketgan va 25-dekabrdayoq bir sutka davomida 104 mingdan ortiq odamda COVID-19 tasdiqlangan edi.
OAV koronavirus birinchi navbatda emlanmagan aholi qatlamiga yuqayotgani to‘g‘risidagi rasmiy ma’lumotlarni keltirmoqda. Statistikaga ko‘ra, mamlakatda 12 yoshdan katta 5,3 million kishi hali vaksinaning birinchi dozasini ham olmagan, ularning 1 milliondan ortig‘i 65 yoshdan katta bo‘lgan fuqarolardir.
Shu bilan birga, ta’kidlanishicha, qo‘shimcha, buster emlash kampaniyasi muvaffaqiyatli o‘tayotgani aytilmoqda. 23 milliondan ortiq franzus vaksinaning uchinchi dozasini olgan — bu yetti oy oldin ikkinchi inyeksiyani olganlarning 88 foizi qamrab olinganini bildiradi.
Avvalroq dunyo bo‘ylab bir sutkada rekord darajada ko‘p odamda COVID-19 aniqlangani, Gretsiyada 2 haftalik kuchaytirilgan karantin e’lon qilingani, Janubiy Koreyada COVID-19 bilan kunlik kasallanishlar soni yangi antirekord o‘rnatgani to‘g‘risida xabar berilgandi.
Izoh (0)