Checheniston rahbari Ramzan Qodirovning qizi, respbulika madaniyat vaziri Ayshat Qodirova “Chechenistonda xizmat ko‘rsatgan madaniyat xodimi” unvonini oldi. Bu haqda Chechenistonning milliy siyosat, tashqi aloqalar, matbuot va axborot vaziri Ahmed Dudayev Instagram sahifasi orqali ma’lum qildi, deb xabar beradi Meduza.
“Xalqimiz an’analariga e’tiborli munosabati, yosh avlodni ulug‘vor odatlarimiz ruhida tarbiyalashga intilishi tufayli u o‘ziga ishonib topshirilgan sohada ko‘plab inqilobiy va ijobiy o‘zgarishlarni amalga oshirishga erishdi”, — deb yozadi Dudayev.
Eslatib o‘tamiz, 25-dekabr kuni Ayshat Qodirova “Inson huquqlarini himoya qilgani uchun” medali bilan mukofotlangandi.
Ma’lumot uchun, 1998-yilning 31-dekabrida tug‘ilgan Ayshat Qodirova 2021-yilning oktabrida madaniyat vaziri etib tayinlangandi. Bunga qadar u bir yildan ortiq vaqt davomida Checheniston madaniyat vazirining birinchi o‘rinbosari bo‘lgan.
Avvalroq Checheniston rahbari Ramzan Qodirovning qizi — Grozniy shahri maktabgacha ta’lim departamenti boshlig‘i Xadijat Qodirova “Checheniston Respublikasi oldidagi xizmatlari uchun” medali bilan taqdirlangani to‘g‘risida xabar berilgandi.
Mavzuga doir: Putin Ramzan Qodirovni navbatdagi orden bilan taqdirladi
Izoh (0)