O‘zbekistonda 2021-yilning dastlabki 11 oyida suv ta’minoti va oqava suv tarmoqlariga ulanishda 3704 ta noqonuniy holat aniqlandi. Bu haqda “O‘zsuvta’minoti” AJ axborot xizmati xabar qildi.
Qayd etilishicha, noqonuniy ulanishlar orasida eng yuqori ko‘rsatkich Xorazm viloyatida aniqlangan — 910 ta. Keyingi o‘rinlardan Namangan (714 ta) va Toshkent (599 ta) viloyatlari joy olgan.
Mazkur qonunbuzarliklar tufayli davlat va jamiyat manfaatlariga jami 35,2 milliard so‘mlik zarar yetkazilgan.
Shuningdek, shu davr mobaynida respublika bo‘yicha 5421 nafar jismoniy va yuridik iste’molchi jami 19,8 milliard so‘mlik qarzdorligi uchun suv ta’minoti tarmog‘idan uzilgan.
Mavzuga doir:
Izoh (0)