2021-yil 1-dekabr holatiga ko‘ra, O‘zbekistonda 832,4 ming tug‘ilish qayd etilgan. Bu haqda Davlat statistika qo‘mitasi xabar berdi.
Ma’lum qilinishicha, 2021-yilning 11 oyidagi tug‘ilishlar soni 2020-yilning mos davri bilan solishtirilganda 64 474 nafarga oshgan. 2021-yil noyabr oyining o‘zida esa respublikada jami 79213 ta tug‘ilish holati qayd etilgan.
Ta’kidlanishicha, 30 yilda tug‘ilishlar soni 16,4 foizga oshgan. Mamlakatda 2019-yilning 1-yanvar kuni 1708 nafar, 2020-yilning shu kuni esa 1974 nafar chaqaloq dunyoga kelgandi. 2021-yilning 1-yanvar kuni O‘zbekistonda 1086 nafar chaqaloq tug‘ilgan.
Avvalroq O‘zbekistonning doimiy aholisi soni 30 yil ichida qanchaga o‘sgani ma’lum qilingandi. Ma’lumotlarga ko‘ra, 1991-yilda mamlakatning doimiy aholisi soni 20,6 million kishini tashkil etgan.
Izoh (0)