Shavkat Mirziyoyev 10-dekabr kuni Oliy Yevrosiyo iqtisodiy kengashining videoanjuman shaklida o‘tkaziladigan navbatdagi yig‘ilishida ishtirok etadi, deb xabar bermoqda Prezident matbuot xizmati.
Ma’lum qilinishicha, tadbir Qozog‘iston prezidenti Qosim-Jo‘mart To‘qayev raisligida o‘tadi. Rossiya, Belarus, Qirg‘iziston va Armaniston, shuningdek, tashkilot huzuridagi kuzatuvchi davlat — Kuba yetakchilarining ishtirok etishi rejalashtirilgan.
Qayd etilishicha, sammit kun tartibiga muvofiq, YEOII doirasidagi integratsiya jarayonlarini kengaytirish va ko‘p tomonlama tuzilma faoliyatini takomillashtirishning dolzarb masalalari ko‘rib chiqiladi.
Ma’lumot o‘rnida, O‘zbekiston 2020-yil dekabr oyidan buyon Yevrosiyo iqtisodiy ittifoqida kuzatuvchi hisoblanadi.
Eslatib o‘tamiz, Shavkat Mirziyoyev 14-oktabr kuni Yevrosiyo iqtisodiy kengashining videoanjuman shaklidagi navbatdan tashqari yig‘ilishida ishtirok etib, nutq so‘zlagan.
Mavzuga doir:
- “O‘zbekiston uchun YeOII bilan o‘zaro aloqalarning aniq natijalari muhim” — Shavkat Mirziyoyev
- O‘zbekiston va YeIK iqtisodiy hamkorlik to‘g‘risidagi memorandumni imzoladi
- “Mahalliy ishlab chiqaruvchilarga biroz qiyin bo‘ladi” — Sardor Qoriyev YeOIIga qo‘shilishning O‘zbekiston farmtarmog‘iga plyus va minuslari haqida
Izoh (0)