Futbol bo‘yicha Angliya Premyer Ligasining 15-turidan o‘rin olgan bir qator uchrashuvlar 4-dekabr, shanba kuni bo‘lib o‘tdi.
“Liverpul” safarda “Vulverhempton” bilan bahsga kirishdi. Bellashuv davomida ikkala jamoada ham qator imkoniyatlar bo‘ldi, biroq asosiy vaqtda darvozalarga to‘p kiritilmadi. Faqatgina 90+5-daqiqaga kelib, “qizillar” g‘alabani ilib ketdi.
G‘alabadan keyin “Liverpul”ning ochkolari 34 taga yetdi va 1-o‘ringa ko‘tarildi. “Vulverhempton” (21) esa 8-o‘rinda bormoqda.
“Chelsi” London derbisida “Vest Hem”ga 3:2 hisobida yutqazib qo‘ydi. Mezbonlar safida Manuel Lansini, Jerrod Bouen va Artyur Masuaku o‘z nomiga gol yozdirib qo‘ydi. “Aristokratlar”ning javob gollariga esa Tiago Silva hamda Meyson Maunt mualliflik qildi.
“Chelsi” 33 ochko bilan musobaqa jadvalida 2-o‘rinda bormoqda. “Vest Hem” esa 27 ochko bilan 4-o‘rindan joy olgan.
APL
15-tur bahslari
4-dekabr, shanba
“Vest Hem” – “Chelsi” 3:2
Gollar: 0:1 – 28 Tiago Silva, 1:1 – 40, penalti Lansini, 1:2 – 44 Maunt, 2:2 – 56 Bouen, 3:2 – 87 Masuaku.“Vest Hem” – Fabianski, Soufal, Douson, Zuma (Fornals, 71), Diop, Jonson (Masuaku, 45), Lansini (Benraxma, 85), Souchek, Rays, Antonio, Bouen.
“Chelsi ”– Mendi, Jeyms, Tiago Silva, Ryudiger, Kristensen, Alonso (Pulishich, 72), Jorjinyo, Ziyosh (Hadson-Odoi, 64), Loftus-Chik, Maunt, Haverts (Lukaku, 46).
Ogohlantirishlar: Jorjinyo (23), Soufal (90), Jeyms (90), Kristensen (90).
“Vulverhempton” – “Liverpul” 0:1
Gol: 0:1 — 90+5 Origi.“Vulverhempton” – Joze Sa, Semedu, Koudi, Saiss, Kilmen, Ait-Nuri, Dendonker, Ruben Nevesh, Xvan Xi Chxan (Moutinyu, 79), Ximenes, Traore (Trinkau, 88).
“Liverpul” – Alisson, Aleksander-Arnold, Matip, van Deyk, Robertson, Henderson (Origi, 68), Tiago Alkantara, Fabinyo, Saloh, Mane, Diogu Jota (Oksleyd-Chemberlen, 82).
Ogohlantirishlar: Dendonker (26), Fabinyo (62), Robertson (66), Ximenes (88).
Izoh (0)