Futbol bo‘yicha Angliya Premyer Ligasining 14-turidan o‘rin olgan ikki uchrashuv 2-dekabr, payshanba kuni bo‘lib o‘tdi.
“Manchester Yunayted” o‘z maydonida “Arsenal” bilan bahs yuritdi va irodali g‘alabaga erishdi. Dastlab 13-daqiqada Emil Smit-Rou mehmonlarni hisobda oldinga olib chiqdi. Biroq birinchi bo‘lim so‘ngida Brunu Fernandesh muvozanatni tikladi. Tomonlar shu hisobda tanaffusga yo‘l oldi.
52-daqiqaga kelib, Krishtianu Ronaldu mezbonlarni hisobda oldinga olib chiqqandi. Ammo oradan ikki daqiqaga o‘tib, Martin Edegor hisobni tenglashtirdi. 70-daqiqada esa Ronaldu dublni rasmiylashtirgan holda o‘yinga yakuniy nuqtani qo‘ydi — 3:2.
Qayd etish kerak, Ronaldu ushbu bahsda faoliyatidagi gollari sonini 801 taga yetkazib oldi.
Shu tariqa “Manchester Yunayted” umumiy hisobda 5 ta gol urilgan o‘yinda irodali g‘alabani tantana qildi. G‘alabadan so‘ng jamoaning ochkolari 21 taga yetdi, “qizillar” musobaqa jadvalida 7-o‘rindan joy olgan. “Arsenal” esa 23 23 ochko bilan 5-pog‘onani band etgan.
“Tottenhem” Londonda “Brentford”dan ustun keldi. “Shporlar” avtogol hamda Son Hyon Minning faolligi evaziga 3 ochkolik bo‘ldi.
APL
14-tur bahslari
2-dekabr, payshanba
“Manchester Yunayted” – “Arsenal” 3:2
Gollar: 0:1 – 13 Smit-Rou, 1:1 – 44 Brunu Fernandesh, 2:1 – 52 Ronaldu, 2:2 – 54 Edegor, 3:2 – 70, penalti Ronaldu.“Manchester Yunayted” – De Xea, Diogu Dalot, Lindelyof, Maguayr, Telles, Reshford (Lingard, 79), Brunu Fernandesh (van de Bek, 90), Sancho, Maktominey, Fred, Ronaldu (Marsyal, 88).
“Arsenal” – Remsdeyl, Tomiyasu, Uayt, Gabriel, Nunu Tavaresh, Martinelli, Parti, en-Nenni, Edegor (Nketia, 79), Smit-Rou (Saka, 70), Obameyang (Lyakazett, 79).
Ogohlantirish: Maktominey (45).
“Tottenhem” – “Brentford” 2:0
Gollar: 1:0 – 12, avtogol Kanos, 2:0 – 65 Son Hyon Min.“Tottenhem” – Lyoris, Dayer, Sanches, Devis, Skipp, Emerson (Tanganga, 83), Hyoybyerg, Lukas Moura (Uinks, 77), Soni Hyon Min (Bergveyn, 87), Regilon, Keyn.
“Brentford” – Alvaro Fernandes, Gud, Yansson, Pinnok, Kanos (Vissa, 70), Onyeka (Baptist, 56), Nergor, Yanelt (Yensen, 70), Genri, Touni, Mbemo.
Izoh (0)