Futbol bo‘yicha O‘zbekiston Kubogining final o‘yinida “Paxtakor” va “Nasaf” jamoalari 4-dekabr, shanba kuni o‘zaro to‘qnash keldi.
Samarqandda o‘tgan o‘yin “Nasaf”ning 2:1 hisobidagi g‘alabasi bilan yakunlandi. Dastlab 28-daqiqada Odilbek Hamrobekov kuchli zarbasi bilan hisobni ochdi. Oradan o‘n daqiqa o‘tgach, Bahrom Abdurahimov muvozanatni tikladi. Bungacha qarshiliklar bir kishi kam bo‘lib qolgandi, Oybek Bozorov xavfli o‘yin uchun maydondan chetlatildi.
Ikkinchi 45 daqiqalikda esa G‘olib G‘aybullayev burchakdan oshirilgan to‘pni boshi bilan darvozaga joylab qo‘ydi va “ajdarlar”ga g‘alaba keltirdi.
Shu tariqa “Nasaf” hal qiluvchi o‘yinda “Paxtakor”ni yengib, O‘zbekiston Kubogini qo‘lga kiritdi va Osiyo Chempionlar Ligasi pley-off o‘yinida qatnashish imkoniyatiga ega chiqdi. Qarshi klubi o‘z tarixida 2-marta O‘zbekiston Kubogida g‘alaba qozondi.
O‘zbekiston Kubogi
Final bahsi
4-dekabr, shanba
“Paxtakor” — “Nasaf” 1:2
Gollar: 1:0 — 28 Hamrobekov, 1:1 — 38 Abdurahimov, 1:2 — 75 G‘aybullayev.“Paxtakor”: Eldor Suyunov, Hojiakbar Alijonov, Anzur Ismoilov, Odil Hamrobekov, Sherzod Temirov (Diyor Xolmatov, 90), Doston Hamdamov (Aziz Turg‘unboyev, 80), Hojimat Erkinov, Sardor Sobirxo‘jayev (Abror Ismoilov, 80), Farrux Sayfiyev, Abbos Fayzullayev (Boyan Matich, 68), Shahzod Azmiddinov (Marlen Chobanov, 46).
“Nasaf”: Umid Ergashev, G‘olib G‘aybullayev, Dilshod Saitov, Bahrom Abdurahimov (Shahzod Akromov, 61), Husayn Norchayev, Suhrob Nurulloyev, Akmal Mozgovoy, Sherzod Nasrullayev, Abubakr Rizo Turdaliyev (Murod Rahmatov, 61), Oybek Bozorov, Umar Eshmurodov.
Ogohlantirishlar: Azmiddinov (24), Hamrobekov (44), Akromov (61), Chobanov (83).
Chetlatish: Oybek Bozorov (34).
Izoh (0)