“Navbahor” klubi sobiq bosh murabbiyi Andrey Kanchelskis noma’lum kimsalar tomonidan tahdid bo‘lganini aytib, politsiyaga murojaat qildi, deya xabar beradi “Mutko protiv” kanali.
Kanchelskisning so‘zlariga ko‘ra, 22-noyabr kuni “Oazis” kafesida kechki ovqat vaqtida noma’lum shaxslar uning yoniga kelib, “Navbahor” jamoasiga qo‘yayotgan talablarni kamaytirishni qat’iy so‘ragan (avgust oyida FIFA jamoa Kanchelskisga 1.6 million dollar to‘lash majburiyatini yuklagan edi). Andreyga 80 ming yevroga rozi bo‘lish taklif etilgan, aks holda uni nogiron qilish bilan tahdid qilingan. Noma’lum shaxslar unga telefon raqam qoldirib, o‘ylab ko‘rganidan keyin qo‘ng‘iroq qilishni aytgan.
Kanchelskis bunga rozi bo‘lmagan va politsiyaga murojaat qilgan. Politsiya tergov jarayonlarini boshlab yuborgan.
Kanchelskis “Navbahor” bilan maoshlarini vaqtida olmagani uchun shartnomani bekor qilgandi. Shundan so‘ng u qolib ketgan maoshlarini undirish uchun FIFAga ariza yozgani haqida xabar berilgandi. FIFA Kanchelskis va “Navbahor” o‘rtasidagi ishni rossiyalik murabbiy foydasiga hal qilib, klubga 1,6 million dollar to‘lab berishni yuklagandi.
“Navbahor” sobiq murabbiyi “Match TV”ga bergan intervyusida Namangan shahri jamoasi bilan bog‘liq muammolar haqida so‘zlab bergandi.
Mavzuga doir:
- Andrey Kanchelskis “Navbahor” tomonidan to‘lanishi kerak bo‘lgan kompensatsiya haqida: “Ular hammasini tinch yo‘l bilan hal qilmoqchi”
- “3-4 kunlab mast holda xonasidan chiqmagan va klubni provokatsiya qilish uchun atayin maoshini vaqtida olmagan”. “Navbahor” Andrey Kanchelskisning iste’fosi haqida
- “Navbahor”, Belenkov va 520 ming dollar mashmashasi haqida
Izoh (0)