Futbol bo‘yicha Italiya A Seriyasining 15-turidan o‘rin olgan o‘yinda “Yuventus” 30-noyabr, seshanba “Salernitana” bilan bahs yuritdi.
Salernoda bo‘lib o‘tgan o‘yinda mehmonlar 2:0 hisobidagi g‘alabani qo‘lga kiritdi. Birinchi bo‘limda Paulo Dibala hisobni ochdi. Uchrashuvning asosiy vaqti tugashiga 20 daqiqa qolganida esa Alvaro Morata turinliklarga ishonchli g‘alabani taqdim etgan golga mualliflik qildi.
Ushbu g‘alabadan keyin “Yuventus”ning ochkolari soni 24 taga yetdi, jamoa 6-o‘rinda bormoqda. “Salernitana” (8) esa so‘nggi o‘rinni band etgan.
A Seriya
15-tur bahslari
“Salernitana” – “Yuventus” 0:2
Gollar: 0:1 – 21 Dibala, 0:2 – 70 Morata.“Salernitana” – Belets, Keshrida (Skyavone, 50), Veseli, Domber, Galolo, Ranyeri (Yaroshinski, 82), Kulibali, Kapetssi (di Takkyo, 50), Zortea, Bonatssoli (Vergani, 82), Nvankvo (Jurich, 65).
“Yuventus” – Shchensni, Kuadrado, de Ligt, Kyellini, Pellegrini (Aleks Sandro, 67), Kulusevski (Soule, 90), Dibala, Bernardeski (Rabyo, 71), Bentankur, Lokatelli, Kin (Morata, 67).
Ogohlantirishlar: Galolo (25), Lokatelli (60).
Izoh (0)