Professional boksning super yarim o‘rta vazn toifasi (-69,8 kg) harakat qiladigan Isroil Madrimov (7-0, 5 KO) o‘zining navbatdagi jangini Toshkentda o‘tkazadi.
17-dekabr kuni o‘tkaziladigan jangda Madrimov fransiyalik Mishel Soroga (35-2-1, 24 KO) qarshi ringga ko‘tariladi. Madrimov—Soro jang g‘olibi WBA Super kamari uchun majburiy da’vogarga aylanadi. WBA Super kamari ayni damda Jermell Charloga (34-1-1, 18 KO) tegishli hisoblanadi.
Shuningdek, mazkur boks oqshomida Isroil Madrimovdan tashqari, o‘zbekistonlik bokschilardan Shahram G‘iyosov va Hasanboy Do‘stmatovning ham raqibi ma’lum bo‘ldi. Unga ko‘ra, G‘iyosov Kristian Rafael Koria (29-8-2, 13 KO) bilan jang qilsa, Hasanboy Hose Rivasga (18-12-4, 10 KO) qarshi ringga ko‘tariladi.
Bundan tashqari, bu boks oqshomida Elnur Abduraimov, Bektemir Meliqo‘ziyev va Dilshodbek Ro‘zmetovlar ham qatnashadi. Ma’lumotlarga ko‘ra, Meliqo‘ziyevga rossiyalik bokschi Sergey Ekimov raqiblik qilishi kutilmoqda.
17-dekabr kuni Toshkentda bo‘lib o‘tadigan janglar:
- Isroil Madrimov (7-0, 5 KO) — Mishel Soro (35-2-1, 24 KO);
- Shahram G‘iyosov (11-0, 9 KO) — Kristian Koria (29-8-2, 13 KO);
- Hasanboy Do‘smatov (3-0, 3 KO) — Hose Rivas (18-12-4, 10 KO);
- Bektemir Meliqo‘ziyev (7-1, 6 KO) — Sergey Yekimov (18-3, 9 KO);
- Iqboljon Xoldorov (1-0, 1 KO) — Dimitriy Miliusha (9-5-1, 4 KO);
- Elnur Abduarimov (7-0, 6 KO) — Jon Gemino (22-12-1, 12 KO);
- Dilshod Ro‘zmetov (debyut) — Yevgeniy Smirnov (13-2-3, 3 KO).
Izoh (0)