Dunyo va o‘zbek sportiga oid 1-dekabr tongining eng muhim xabarlari dayjesti bilan tanishing.
O‘zbekiston
Toshkentda professional boks kechasi bo‘lib o‘tadi
17-dekabr kuni Toshkentda o‘zbekistonlik nomdor bokschilar ishtirokida yirik musobaqa o‘tkaziladi. Asosiy jang Isroil Madrimov va Mishel Soro o‘rtasida chempionlik kamari uchun kechadi. Shuningdek, karddan Shahram G‘iyosov, Hasanboy Do‘stmatov, Bektemir Meliqo‘ziyev, Iqboljon Xoldorov, Elnur Abduraimov va Dilshod Ro‘zmetov ishtirokidagi janglar o‘rin olgan.
Bahodir Jalolov 11-dekabrda Dubayda jang qiladi
Tokio—2020 Olimpiadasi g‘olibi Bahodir Jalolov 11-dekabr kuni Dubayda professional boksdagi navbatdagi jangini o‘tkazadi. Biroq hozircha unga bu jangda kim raqiblik qilishi ma’lum emas.
Jaloliddin Masharipov otasiga Hyundai Sonata sovg‘a qildi
“An-Nassr” hujumkor yarim himoyachisi otasining tavallud kuniga Hyundai Sonata avtomobilini sovg‘a qildi.
Jahon
ESPN yilning eng yaxshilarini e’lon qildi
2021-yilning eng yaxshi hujumchisi sifatida Lionel Messi e’tirof etildi. Krishtianu Ronaldu ikkinchi o‘rindan joy olgan bo‘lsa, Kilian Mbappe kuchli uchlikka yakun yasagan. Markaziy hujumchilar orasida esa Robert Levandovski g‘olib deb topilgan, keyingi pog‘onalardan Erling Holand va Karim Benzema joy olgan.
Shuningdek, boshqa pozitsiyalarda ham g‘oliblar aniqlandi:
- Eng yaxshi darvozabon: Yan Oblak;
- Eng yaxshi o‘ng qanot himoyachisi — Ashraf Hakimi;
- Eng yaxshi chap qanot himoyachisi — Endryu Robertson;
- Eng yaxshi markaziy himoyachi — Riben Diash;
- Eng yaxshi markaziy yarim himoyachi — Ngolo Kante;
- Eng yaxshi hujumkor yarim himoyachi — Kevin de Bryuyne;
- Eng yaxshi vinger — Sadio Mane;
- Eng yaxshi murabbiy — Tomas Tuxel.
Germaniyalik mutaxassis 2019-yildan buyon murabbiylik faoliyati bilan shug‘ullanmayotgani bois unga Buyuk Britaniyada ishlash huquqi to‘g‘ridan to‘g‘ri berilmaydi. Rangnik Angliya futbol assotsiatsiyasi maxsus komissiyasiga hujjatlarni taqdim etishiga to‘g‘ri keladi.
Garchi bu vaziyatda uning viza olishi faqat rasmiyatchilik uchun bo‘lsada, bu jarayon dekabr o‘rtalariga qadar cho‘zilishi mumkin, deya xabar qilmoqda ESPN. Shu tariqa Rangnik yaqin orada “Manchester Yunayted” o‘yinlarida ishtirok eta olmaydi.
“Manchester Siti” va “PSJ” Erling Holand uchun kurashda favorit
Sky Sport Deutschland xabariga ko‘ra, katta ehtimol bilan norvegiyalik futbolchi yozda “Borussiya D”ni tark etadi.
Unga asosiy da’vogar sifatida “Manchester Siti” va “PSJ” ko‘rsatilmoqda. Parijliklar unga Kilian Mbappening o‘rinbosari sifatida qaramoqda. Shu bilan birga dortmundliklar futbolchini yana bir mavsum olib qolishga umid qilmoqda.
Erling Bundesliga joriy mavsumida 7 ta o‘yin o‘tkazib, 10 ta gol urdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)