O‘zbekiston Paralimpiya qo‘mitasi raisi Muxtorxon Toshxo‘jayev Osiyo Paralimpiya qo‘mitasi vitse-prezidenti lavozimiga saylandi.
Osiyo Paralimpiya qo‘mitasining Bosh assambleyasi 30-noyabr kuni o‘z ishini boshladi. Onlayn formatda o‘tkazilayotgan mazkur jarayon 1-dekabrda o‘z yakuniga yetadi. Assambleyada Osiyoning 45 mamlakatidan Paralimpiya qo‘mitalari rahbarlari ishtirok etmoqda.
30-noyabr kungi jarayonda Toshxo‘jayev delegatsiya a’zolari tomonidan bir ovozdan Osiyo Paralimpiya qo‘mitasi vitse-prezidenti lavozimiga saylandi.
Shu tariqa O‘zbekiston vakili ilk bor Osiyo Paralimpiya qo‘mitasi vitse-prezidenti lavozimini egalladi.
Eslatib o‘tamiz, 2020-yilning dekabr oyida Otabek Umarov Osiyo Olimpiya kengashi vitse-prezidentligiga saylangandi.
Izoh (0)