Amerikalik fotomuxbir Stiv Makkarri tomonidan 1984-yilda olingan “Afg‘on qizi” nomli surat orqali butun dunyoga tanilgan Sharbat Gula Italiyadan siyosiy boshpana oldi. Bu haqda The Guardian’ga tayanib, Tengrinews xabar berdi.
Italiya bosh vaziri Mario Dragi ofisi Gulaga boshpana taqdim etilishidan tashqari, uning Afg‘onistondan evakuatsiya qilinishini ham tashkillashtirgan.
Sharbat Gula butun dunyoga 1985-yilda — Stiv Makkarri tomonidan qochoqlar lagerida olingan surat National Geographic jurnali muqovasidan o‘rin olganidan so‘ng mashhurlikka erishgan. Suratda tasvirlangan qizning ismi uzoq vaqt noma’lum bo‘lgan, uni ko‘pincha “afg‘on Mona Lizasi” deb atab kelishgan.
Eslatib o‘tamiz, 2016-yilda Sharbat Gula qalbaki hujjatlar sabab Pokistonda hibsga olingani, u 14 yilgacha ozodlikdan mahrum etilishi mumkinligi haqida xabarlar paydo bo‘lgan edi. Keyinroq u Afg‘onistonga deportatsiya qilingan, mamlakat sobiq prezidenti Ashraf G‘ani unga yangi xonadon kalitini topshirgani ma’lum bo‘lgandi.
Izoh (0)