Futbol bo‘yicha Yevropa Konferensiyalar Ligasining 5-turidan o‘rin olgan o‘yinda “Roma” 25-noyabr, payshanba kuni “Zarya” bilan bahs yuritdi.
Rimda o‘tgan bellashuv mezbonlarning 4:0 hisobidagi g‘alabasi bilan yakunlandi. “Bo‘rilar” safida Temmi Abraham dublni rasmiylashtirgan bo‘lsa, Karles Peres va Nikolo Zanyolo o‘z nomiga bittadan gol yozdirib qo‘ydi.
Uchrashuvda “Roma”ning o‘zbekistonlik hujumchisi Eldor Shomurodov 70-daqiqada ikkinchi gol muallifi Nikolo Zanyoloning o‘rniga maydonga tushdi.
Uchrashuvda urilgan gollar videosini bu yerda ko‘rish mumkin — havola.
Ushbu g‘alabadan keyin “Roma”ning ochkolari soni 10 taga yetdi, jamoa C guruhida 10 ochko bilan 2-o‘rinda bormoqda.
Konferensiyalar Ligasi
5-tur bahslari
25-noyabr, payshanba
“Roma” Italiya – “Zarya” Ukraina 4:0
Gollar: 1:0 – 15 Karles Peres, 2:0 – 33 Zanyolo, 3:0 – 46 Abraham, 4:0 – 75 Abraham.
“Roma” – Ruy Patrisiu, Karsdorp, Smolling (Rojer, 70), Manchini, Kumbula, Mxitaryan (Missori, 79), Veretu, Zanyolo (Shomurodov, 70), Abraham (Mayoral, 76), Karles Peres, ash-Shaaravi (Zalevski, 70).
“Zarya” – Matsapura, Favorov, Vernidub, Imerekov, Leovijildo (Snurnitsin, 71), Buletsa (Kristian, 83), Svek, Gromov (Nazarina, 46), Sayyadmanesh (Ovusu-Frimpong, 83), Kabayev, Zaxedi (Gladkiy, 46).
Ogohlantirishlar: Karsdorp (90), Manchini (90).
Izoh (0)