Dunyo va o‘zbek sportiga oid 25-noyabr tongining eng muhim xabarlari dayjesti bilan tanishing.
O‘zbekiston
“Paxtakor” va “Nasaf” O‘zbekiston Kubogi finalida o‘ynaydi
24-noyabr kuni futbol bo‘yicha O‘zbekiston Kubogining yarim final bahslari o‘tkazildi. “Nasaf” Olmaliqda “OKMK”dan ustun kelgan bo‘lsa (2:0), “sherlar” penaltilar seriyasigacha borgan poytaxt derbisida “Bunyodkor”ni taslim etdi.
Final 4-dekabr kuni Samarqandda o‘tkaziladi. Uchrashuv 16:00 da start oladi.
“Lokomotiv” Mikael Sekeyra bilan xayrlashdi
Toshkentning “Lokomotiv” klubi bosh murabbiyi Mikael Sekeyra o‘z lavozimini tark etdi. “Temiryo‘lchilar” klubi a’zolari ishtirokida portugaliyalik mutaxassis bilan xayrlashuv marosimi o‘tkazilgan.
Eslatib o‘tamiz, Sekeyra oktabr oyida Superliga 23-turi doirasida “Qo‘qon-1912”ga qarshi kechgan o‘yindan keyin hakamlik va tizimni keskin tanqid ostiga olgan. Bu tizim bilan o‘zbek futboli cho‘kishda davom etishini aytgandi.
Mikael Sekeyra 2021-yil boshida “Lokomotiv”ni qabul qilib olgandi. Uning qo‘l ostidagi jamoa Superliga 2021-yilgi mavsumi tugashiga bir tur qolganda 7-o‘rinda bormoqda.
Jahon
“PSJ”, “Real” va “Inter” YChL pley-off bosqichiga yo‘l oldi, Jasur Yaxshiboyev jamoasi Yevropa Ligasida o‘ynaydiChempionlar Ligasida 24-noyabr kuni qolgan guruhlarda 5-tur bahslari bo‘lib o‘tdi. Unga ko‘ra, “Manchester Siti” birinchi o‘rin bilan keyingi bosqich masalasini hal qilgan bo‘lsa, “PSJ” ikkinchi o‘rin bilan pley-off chiqadigan bo‘ldi. Shuningdek, “Real” va “Inter” ham muddatidan avval pley-off yo‘llanmasini naqd qildi. “Sherif” Yevropa Ligasida o‘ynasa, “Shaxtyor” guruhda qolib ketdi.
“Borussiya D” “Sporting”ga yutqazib qo‘ydi va Yevropa Ligasi yo‘llanmasi bilan cheklandi. Portugal klub esa ikkinchi o‘rin bilan keyingi bosqichga chiqdi.
YChLda hafta o‘yinchisi nomiga da’vogarlar ma’lum bo‘ldi
- Pedru Gonsalvesh (“Sporting”) — “Borussiya D”ga qarshi bahsda (3:1) dubl va bitta golli uzatma;
- Edin Jeko (“Inter”) — “Shaxtyor”ga qarshi bellashuvda (2:0) ikkita gol.
- Sebastyan Aller (“Ayaks”) — “Beshiktosh”ga qarshi o‘yinda (2:1) dubl;
- Emil Forsberg (“Leypsig”) — “Bryugge”ga qarshi uchrashuvda (5:0) 2 ta gol;
Londonliklar qanot himoyachisi Ben Chiluell Chempionlar Ligasi 5-turi doirasida “Yuventus”ga qarshi bahsda (4:0) tizzasidan jarohat oldi.
The Telegraph’ning xabar qilishicha, futbolchining tizza osti paylarida yorilish yuzaga kelgan bo‘lishi mumkin. Agar bu tasdiqlansa, 24 yoshli futbolchi 6–9 oy maydonga tusha olmasligi mumkin.
Futbolda tanaffus vaqtini 25 daqiqaga yetkazish taklif etildi
Xalqaro futbol assotsiatsiyalari kengashi (IFAB) tanaffus vaqtini uzaytirish masalasini ko‘rib chiqadi. Kengash a’zolari futbol uchrashuvlarida tanaffus vaqtini 15 daqiqadan 25 daqiqaga yetkazish imkoniyatini muhokama qiladi.
Bu g‘oya Janubiy Amerika konfederatsiyasi (KONMEBOL) tomonidan ilgari surilgan. Tashkilot rahbariyati tanaffus vaqtining uzaytirilishi o‘z tasarrufidagi musobaqalarga ijobiy ta’sir qilishiga ishonmoqda.
Biroq bu taklif katta ehtimol bilan qo‘llab-quvvatlanmaydi. FIFA 2009-yilda tanaffus vaqtini 20 daqiqaga oshirish g‘oyasini ilgari surgan, biroq bu muxlislar tomonidan salbiy kutib olingandi.
Bu g‘oyaga Superboul namuna sifatida ko‘rsatilgan. Amerikacha futbol chempionatida (NFL) tanaffus odatda 12 daqiqa davom etadi, biroq hal qiluvchi Superboul o‘yinida tanaffus vaqti 30 daqiqaga cho‘zilishi mumkin. Masalan, 2021-yilgi Superboulda qo‘shiqchi The Weeknd chiqish qilgan, 30 soniyalik reklama 5,5 million dollarni tashkil etgandi.
Izoh (0)