Jahon Chempionatini har ikki yilda o‘tkazish qarori UEFA va milliy chempionatlarning jiddiy zarar ko‘rishiga olib keladi.
KPMG auditor kompaniyasi Delta Partners bilan birgalikda izlanish olib bordi, deya xabar qilmoqda Reuters. Tadqiqotlar natijasiga ko‘ra, mundialni har ikki yilda o‘tkazish joriy qilinsa, milliy chempionatlar katta zarar ko‘radi.
Buning ortidan bir mavsumda ligalar va UEFA o‘yinlardan keladigan daromad hamda telehuquqlardan o‘rtacha 8 milliard yevro yo‘qotadi. Ularning 5 milliardi audiovizual huquqlarga (hozirgi kundagi daromadning uchdan bir qismi) to‘g‘ri keladi. Chempionat o‘yinlari sonini kamayishi 1,75 milliard zarar keltiradi. Yana 901 million yevro taqvimdagi o‘zgarishlar (ko‘plab o‘yinlar dam olish kunlaridan hafta o‘rtasiga o‘tkaziladi) tufayli yo‘qotiladi.
UEFA va ligalar reklamadan keladigan 2,16 milliard yevrodan (daromadning 25% qismi) quruq qoladi. O‘yin kunlaridagi yo‘qotish esa 1,2 milliard yevroga (bu ham 25%) yetadi.
Agar Jahon Chempionati ikki yilda bir marta o‘tkazilsa milliy chempionatlar daromadi 14 milliard yevrodan 9 milliard yevrogacha tushib ketadi.
Undan tashqari JChning yangi formati milliy chempionatda ishtirok etuvchi jamoalar sonining qisqarishiga olib kelishi mumkin. Muxlislar tomonidan qiziqish ham tushib ketishi kutilmoqda.
Islohotlar amalga oshsa, 2024/25-yilgi mavsumdan boshlab chempionatdagi jamoalar soni 18 tagacha qisqaradi va may oyida mavsum yakunlanishi kerak bo‘ladi. Tadqiqotchilar nafaqat top-5 ligalarni, balki MLS, Meksika, Yaponiya va JAR milliy chempionatlarini ham tahlil qildi.
Avvalroq, FIFA 2026-yildan boshlab futbol bo‘yicha Jahon Chempionatini har ikki yilda o‘tkazishni borasida o‘z tasarrufidagi milliy assotsiatsiyalarni ogohlantirgani, FIFAga a’zo assotsiatsiyalarning 2/3 qismi ushbu g‘oyaga xayrixoh ekani xabar qilingandi.
Izoh (0)