Футбол бўйича Европа Конференциялар Лигасининг 5-туридан ўрин олган ўйинда «Рома» 25 ноябрь, пайшанба куни «Заря» билан баҳс юритди.
Римда ўтган беллашув мезбонларнинг 4:0 ҳисобидаги ғалабаси билан якунланди. «Бўрилар» сафида Тэмми Абраҳам дублни расмийлаштирган бўлса, Карлес Перес ва Николо Занёло ўз номига биттадан гол ёздириб қўйди.
Учрашувда «Рома»нинг ўзбекистонлик ҳужумчиси Элдор Шомуродов 70-дақиқада иккинчи гол муаллифи Николо Занёлонинг ўрнига майдонга тушди.
Учрашувда урилган голлар видеосини бу ерда кўриш мумкин — ҳавола.
Ушбу ғалабадан кейин «Рома»нинг очколари сони 10 тага етди, жамоа C гуруҳида 10 очко билан 2-ўринда бормоқда.
Конференциялар Лигаси
5-тур баҳслари
25 ноябрь, пайшанба
«Рома» Италия – «Заря» Украина 4:0
Голлар: 1:0 – 15 Карлес Перес, 2:0 – 33 Занёло, 3:0 – 46 Абраҳам, 4:0 – 75 Абраҳам.
«Рома» – Руй Патрисиу, Карсдорп, Смоллинг (Рожер, 70), Манчини, Кумбула, Мхитарян (Миссори, 79), Верету, Занёло (Шомуродов, 70), Абраҳам (Майораль, 76), Карлес Перес, аш-Шаарави (Залевски, 70).
«Заря» – Мацапура, Фаворов, Вернидуб, Имереков, Леовижилдо (Снурницин, 71), Булэтса (Кристиан, 83), Свек, Громов (Назарина, 46), Сайядманеш (Овусу-Фримпонг, 83), Кабаев, Захеди (Гладкий, 46).
Огоҳлантиришлар: Карсдорп (90), Манчини (90).
Изоҳ (0)