Futbol bo‘yicha Yevropa Chempionlar Ligasining 5-turidan o‘rin olgan bir qator uchrashuvlar 23-noyabr, seshanba kuni bo‘lib o‘tdi.
“Barselona” o‘z maydonida “Benfika”ni qabul qildi. Uchrashuv davomida har ikkala jamoa vakillarida ham qator imkoniyatlar bo‘ldi. Biroq darvozalarga to‘p kiritilmadi.
“Barselona” E guruhida “Bavariya”dan keyin 7 ochko bilan 2-pog‘onani band etib turibdi. 3-o‘rindagi “Benfika”ning hisobida 5 ochko mavjud. Shu tariqa E guruhidagi ikkinchi yo‘llanma masalasi so‘nggi turga qoldi. 6-turda “Barselona” safarda “Bavariya” bilan bahs yuritadi.
“Chelsi” Londonda “Yuventus” bilan bahs yuritdi va raqib darvozasiga javobsiz 4 ta gol urdi. “Aristokratlar”ning gollariga Trevo Chaloba, Ris Jeyms, Kallum Hadson-Odoi va Timo Verner mualliflik qildi.
Ushbu g‘alabadan keyin “Chelsi”ning ochkolari soni 12 taga yetdi va “Yuventus” bilan tenglashib oldi. Ikkala jamoa ham guruhdan chiqish masalasini hal qildi.
“Atalanta” “Yang Boyz” bilan jangovar durang o‘ynagan bo‘lsa, “Zenit” so‘nggi daqiqalarda mag‘lubiyatdan qutulib qoldi.
YChL
5-tur bahslari
23-noyabr, seshanba
“Barselona” Ispaniya – “Benfika” Portugaliya 0:0
“Barselona” – ter Stegen, Pike, Langle (Dest, 86), Arauxo (Erik Garsiya, 86), Alba, Buskets, de Yong, Niko Gonsales, Gavi, Demir (Dembele, 66), Depay.“Benfika” – Vlaxodimos, Jilberto, Vertongen, Otamendi, Almeyda, Grimaldo (Seferovich, 81), Joau Mariu (Taarabt, 59), Rafa Silva (Lazaro, 70), Vaygl, Yaremchuk (Nunyes, 59), Everton (Pissi, 70).
Ogohlantirishlar: Grimaldo (35), Joau Mariu (49), Pike (49), Vlaxodimos (90), Taarabt (90).
“Chelsi” Angliya – “Yuventus” Italiya 4:0
Gollar: 1:0 – 25 Chaloba, 2:0 – 55 Jeyms, 3:0 – 58 Hadson-Odoi, 4:0 – 90 Verner.“Chelsi” – Mendi, Jeyms, Tiago Silva, Ryudiger, Chaloba, Chiluell (Aspilikueta, 71), Jorjinyo (Saul, 76), Kante (Loftus-Chik, 37), Ziyesh, Pulishich (Verner, 72), Hadson-Odoi (Maunt, 76).
“Yuventus” – Shchensni, Bonuchchi, de Ligt, Aleks Sandro, Makkenni, Rabyo, Lokatelli (Artur, 67), Bentankur (Dibala, 59), Kuadrado (de Vinter, 81), Morata (Kin, 67), Kyeza (Kulusevski, 80).
Ogohlantirishlar: Kuadrado (23).
Izoh (0)