Футбол бўйича Европа Чемпионлар Лигасининг 5-туридан ўрин олган бир қатор учрашувлар 23 ноябрь, сешанба куни бўлиб ўтди.
«Барселона» ўз майдонида «Бенфика»ни қабул қилди. Учрашув давомида ҳар иккала жамоа вакилларида ҳам қатор имкониятлар бўлди. Бироқ дарвозаларга тўп киритилмади.
«Барселона» E гуруҳида «Бавария»дан кейин 7 очко билан 2-поғонани банд этиб турибди. 3-ўриндаги «Бенфика»нинг ҳисобида 5 очко мавжуд. Шу тариқа E гуруҳидаги иккинчи йўлланма масаласи сўнгги турга қолди. 6-турда «Барселона» сафарда «Бавария» билан баҳс юритади.
«Челси» Лондонда «Ювентус» билан баҳс юритди ва рақиб дарвозасига жавобсиз 4 та гол урди. «Аристократлар»нинг голларига Трево Чалоба, Рис Жеймс, Каллум Ҳадсон-Одои ва Тимо Вернер муаллифлик қилди.
Ушбу ғалабадан кейин «Челси»нинг очколари сони 12 тага етди ва «Ювентус» билан тенглашиб олди. Иккала жамоа ҳам гуруҳдан чиқиш масаласини ҳал қилди.
«Аталанта» «Янг Бойз» билан жанговар дуранг ўйнаган бўлса, «Зенит» сўнгги дақиқаларда мағлубиятдан қутулиб қолди.
ЕЧЛ
5-тур баҳслари
23 ноябрь, сешанба
«Барселона» Испания – «Бенфика» Португалия 0:0
«Барселона» – тер Стеген, Пике, Лангле (Дест, 86), Араухо (Эрик Гарсия, 86), Альба, Бускетс, де Йонг, Нико Гонсалес, Гави, Демир (Дембеле, 66), Депай.«Бенфика» – Влаходимос, Жилберто, Вертонген, Отаменди, Алмейда, Грималдо (Сеферович, 81), Жоау Мариу (Таарабт, 59), Рафа Сильва (Лазаро, 70), Вайгль, Яремчук (Нуньес, 59), Эвертон (Писси, 70).
Огоҳлантиришлар: Грималдо (35), Жоау Мариу (49), Пике (49), Влаходимос (90), Таарабт (90).
«Челси» Англия – «Ювентус» Италия 4:0
Голлар: 1:0 – 25 Чалоба, 2:0 – 55 Жеймс, 3:0 – 58 Ҳадсон-Одои, 4:0 – 90 Вернер.«Челси» – Менди, Жеймс, Тиаго Сильва, Рюдигер, Чалоба, Чилуэлл (Аспиликуэта, 71), Жоржиньо (Сауль, 76), Канте (Лофтус-Чик, 37), Зиеш, Пулишич (Вернер, 72), Ҳадсон-Одои (Маунт, 76).
«Ювентус» – Шченсни, Бонуччи, де Лигт, Алекс Сандро, Маккенни, Рабьо, Локателли (Артур, 67), Бентанкур (Дибала, 59), Куадрадо (де Винтер, 81), Мората (Кин, 67), Кьеза (Кулусевски, 80).
Огоҳлантиришлар: Куадрадо (23).
Изоҳ (0)