Futbol bo‘yicha Yevropa Chempionlar Ligasining 5-turidan o‘rin olgan bir qator uchrashuvlar 23-noyabr, seshanba kuni bo‘lib o‘tdi.
“Manchester Yunayted” safarda “Vilyarreal” bilan bahs yuritdi. Uchrashuvning katta qismida hisob ochilmadi. Biroq 78-daqiqaga kelib, Krishtianu Ronaldu yana “Manchester Yunayted” uchun qutqaruvchi rolini bajarib berdi. Portugaliyalik hujumchi darvozabonning xatosidan keyin to‘pni darvozabonning ustidan oshirib, hisobni ochdi. 90-daqiqada esa Jeydon Sancho “qizillar”ga ishonchli g‘alabani taqdim etgan golga mualliflik qildi.
“Bavariya” ham tur doirasida safarda o‘yin o‘tkazdi. Myunxen klubi Robert Levandovski va Kingsli Komanning gollari evaziga “Dinamo K”ni yengdi.
Ushbu g‘alabadan keyin “Manchester Yunayted” 10 ochko bilan F guruhida 1-o‘rinda bormoqda, jamoa shu tariqa pley-off yo‘llanmasini naqd qildi. Bu manchesterliklar uchun Ole-Gunnar Sulsherning iste’fosidan keyingi ilk o‘yin bo‘ldi. “Bavariya” esa 15 ochko bilan E guruhida peshqadamlik qilmoqda.
YChL
5-tur bahslari
23-noyabr, seshanba
“Vilyarreal” Ispaniya – “Manchester Yunayted” Angliya 0:2
Gol: 0:1 – 78 Ronaldu, 0:2 — 90 Sancho.“Vilyarreal” – Ruli, Foyt, Albiol, Pau Torres, Estupinyan (Raba, 79), Pino (Chukvueze, 73), Moyses Gomes (Dia, 85), Kapu, Parexo, Trigeros (Moreno, 73), Danjuma.
“Manchester Yunayted” – De Xea, Uan-Bissaka, Maguayr, Lindelyof, Telles, Matich, Fred, van de Bek (Brunu Fernandesh, 66), Maktominey, Sancho, Ronaldu, Marsyal (Reshford, 66).
Ogohlantirishlar: Pino (33), van de Bek (41).
“Dinamo K” Ukraina – “Bavariya” Germaniya 1:2
Gollar: 0:1 – 14 Levandovski, 0:2 – 42 Koman, 1:2 – 70 Garmash.“Dinamo K” – Bushan, Kendzera (Karavayev, 76), Sirota, Zabarniy, Mikolenko, Sidorchuk, Buyalskiy, de Pena (Garmash, 46), Sigankov, Shaparenko, Shkurin (Vitino, 46).
“Bavariya” – Noyer, Pavar, Ernandes (Sarr, 46), Nyanzu (Tillman, 85), Devis, Goretska, Tolisso, Myuller, Levandovski, Koman (Roka, 67), Sane (Richards, 88).
Izoh (0)