Shvetsiya parlamenti Shvetsiya sotsial-demokratik ishchi partiyasi (SSDIP) rahbari Magdalena Anderssonni bosh vazir lavozimiga tayinlash uchun ovoz berdi. Andersson mamlakat hukumatini boshqaradigan birinchi ayolga aylanadi.
Deputatlarning yarmidan kamrog‘i — 174 kishi Anderssonning nomzodiga qarshi bo‘lgan. “Faqat 174 kishi qarshi ovoz bergani uchun parlament Magdalena Anderssonni bosh vazir sifatida qo‘llab-quvvatladi”, — dedi Shvetsiya parlamenti spikeri Andreas Norlen.
10-noyabr kuni Stefan Lyoven Shvetsiya bosh vaziri lavozimidan ozod etilgandi, endi u o‘tish davri hukumatini boshqaradi. Lyoven 2012-yilda SSDIP rahbarligini egallagan. Uning qo‘l ostida partiya 2014- va 2018-yillardagi ikkita saylovda g‘alaba qozongan. 22-avgust kuni u partiya rahbarligidan iste’foga chiqishini e’lon qilgan. 4-noyabr kuni SSDIP syezdi moliya vaziri Magdalena Anderssonni Lyovenning o‘rniga partiyaning yangi rahbari etib sayladi.
11-noyabr kuni parlament spikeri Andreas Norlen parlamentdagi partiyalar bilan muzokaralar o‘tkazdi. Bundan maqsad qonun chiqaruvchi organ Anderssonni yangi bosh vazir lavozimiga qabul qiladimi yoki yo‘qmi, degan savolga javob olish edi. Spiker, shuningdek, Anderssonga Vazirlar Mahkamasini shakllantirishni taklif qilgan. Andersson so‘nggi kunlarda parlamentdagi partiyalar vakillari bilan muzokaralar olib borayotgan edi.
Ma’lumot uchun, Magdalena Andersson 2014-yilda Shvetsiya moliya vaziri lavozimini egallab, hukumatda mazkur vazifa yuklatilgan birinchi ayol bo‘lgan.
Mavzuga doir:
- Estoniyada birinchi marta ayol kishi bosh vazir bo‘ldi
- Tanzaniya tarixida ilk bor ayol kishi prezidentlik lavozimini egalladi
- Yevropalik ayol birinchi marta xalqaro kosmik stansiya qo‘mondoni bo‘ladi
- Advokatlikdan vitse-prezidentlikka qadar. AQSh tarixidagi birinchi ayol va qora tanli vitse-prezident Kamala Xarris haqida
Izoh (0)