Buyuk Britaniya bosh vaziri Boris Jonson tadbirkorlar bilan uchrashuvda nutqi yozilgan qog‘ozni topolmay qoldi va Peppa Pig’s World ko‘ngilochar bog‘iga tashrifi haqida gapirishga qaror qildi.
“Menga u yer yoqdi. Ko‘chalari xavfsiz, tinch. Maktablarda xotirjamlik va tartib-intizom hukm suradi, infratuzilmasi yaxshi”, — deydi Jonson.
Internet foydalanuvchilari bosh vazirning vaziyatdan chiqish uchun topib gapirganlarini tanqid qildi. “Bu davlat arbobining bayonoti ekaniga ishonchingiz komilmi? Bu qarzdorning talmovsiragan nutqiga o‘xshaydi”, — deb yozadi Under our Jurisdiction foydalanuvchisi.
Shuningdek, internet tarmoqlarida Peppa Pig’s World parki — Buyuk Britaniyada so‘nggi vaqtda yaratilgan eng yaxshi park, degan hazillar tarqaldi.
Noyabr boshida Boris Jonson iqlim bo‘yicha COP26 konferensiyasidagi nuqtida iqlim muammolarini hal qilish uzoq vaqt talab qilishini aytgandi. Jonson iqlim o‘zgarishiga qarshi kurashni futbol o‘yiniga qiyoslagan va bu o‘yinda insoniyat 5:1 hisobida mag‘lub bo‘layotganini ta’kidlagan.
Izoh (0)