Британия бош вазири йирик учрашувда нутқи учун сўз тополмай паркга ташрифи ҳақида гапириб берди

Буюк Британия бош вазири Борис Жонсон тадбиркорлар билан учрашувда нутқи ёзилган қоғозни тополмай қолди ва Peppa Pig’s World кўнгилочар боғига ташрифи ҳақида гапиришга қарор қилди.

«Менга у ер ёқди. Кўчалари хавфсиз, тинч. Мактабларда хотиржамлик ва тартиб-интизом ҳукм суради, инфратузилмаси яхши», — дейди Жонсон.

Интернет фойдаланувчилари бош вазирнинг вазиятдан чиқиш учун топиб гапирганларини танқид қилди. «Бу давлат арбобининг баёноти эканига ишончингиз комилми? Бу қарздорнинг талмовсираган нутқига ўхшайди», — деб ёзади Under our Jurisdiction фойдаланувчиси.

Шунингдек, интернет тармоқларида Peppa Pig’s World парки — Буюк Британияда сўнгги вақтда яратилган энг яхши парк, деган ҳазиллар тарқалди.

Ноябрь бошида Борис Жонсон иқлим бўйича COP26 конференциясидаги нуқтида иқлим муаммоларини ҳал қилиш узоқ вақт талаб қилишини айтганди. Жонсон иқлим ўзгаришига қарши курашни футбол ўйинига қиёслаган ва бу ўйинда инсоният 5:1 ҳисобида мағлуб бўлаётганини таъкидлаган.