Toshkentda Oliy sud raisi Kozim Komilovning Malibu xizmat mashinasi yo‘l-transport hodisasiga uchradi. Bu haqda Oliy sud matbuot xizmati rahbari Aziz Abidovga tayanib, “Gazeta.uz” xabar qildi.
Ma’lum bo‘lishicha, hodisa yuz berganda Kozim Komilov mashinada bo‘lmagan. Avtomobil haydovchisi esa hozirda tibbiy muolaja olmoqda va uning sog‘lig‘i ayni paytda yaxshi.
Aziz Abidov haydovchi ayni paytda tibbiy ta’tildaligi va sog‘lig‘ini tiklashi bilan ishga qaytishi kutilayotganini ma’lum qilgan.
Eslatib o‘tamiz, 2021-yilning yanvarida Koson tumani hokimi yoki o‘g‘li boshqargani taxmin qilingan Captiva 60 yoshli fuqaroni urib yuborgani, YTH oqibatida jabrlanuvchi voqea joyida vafot etgani xabar qilingandi.
Shuningdek, 7-noyabr kuni Yakkabog‘ tumani hokimi Lutfiddin Abdullayevning Captiva xizmat avtomobili yo‘l-transport hodisasiga uchragan. Avvalroq tuman deputati Captiva xarid qilishga sarflanadigan pulni muhtojlarga berishni taklif qilgandi.
Izoh (0)