Тошкентда Олий суд раиси Козим Комиловнинг Malibu хизмат машинаси йўл-транспорт ҳодисасига учради. Бу ҳақда Олий суд матбуот хизмати раҳбари Азиз Абидовга таяниб, «Gazeta.uz» хабар қилди.
Маълум бўлишича, ҳодиса юз берганда Козим Комилов машинада бўлмаган. Автомобиль ҳайдовчиси эса ҳозирда тиббий муолажа олмоқда ва унинг соғлиғи айни пайтда яхши.
Азиз Абидов ҳайдовчи айни пайтда тиббий таътилдалиги ва соғлиғини тиклаши билан ишга қайтиши кутилаётганини маълум қилган.
Эслатиб ўтамиз, 2021 йилнинг январида Косон тумани ҳокими ёки ўғли бошқаргани тахмин қилинган Captiva 60 ёшли фуқарони уриб юборгани, ЙТҲ оқибатида жабрланувчи воқеа жойида вафот этгани хабар қилинганди.
Шунингдек, 7 ноябрь куни Яккабоғ тумани ҳокими Лутфиддин Абдуллаевнинг Captiva хизмат автомобили йўл-транспорт ҳодисасига учраган. Аввалроқ туман депутати Captiva харид қилишга сарфланадиган пулни муҳтожларга беришни таклиф қилганди.
Изоҳ (0)