Бу Янги Зеландиянинг Антарктидадан келган пингвин билан тарихда учинчи марта учрашишидир, деб ёзади Esquire.
Маълум бўлишича, соҳилдаги пингвинни маҳаллий аҳоли пайқаб қолган. Улар ит ёки мушуклар пингвинга ҳужум қилишидан қўрқиб, мутахассисларни чақирган. Воқеа жойига етиб келган соҳа вакиллари уни фақат Антарктидада яшайдиган пингвинлар турига мансублигини англаб, ҳайратда қолган.
Жонзот тахминан 3000 километр масофани босиб ўтгани учун ҳам чанқаган ва оч қолган. У сув ва балиқ смузиси билан озиқлантирилган, шундан сўнг денгиз қуши ўз-ўзидан уйига қайтиши мумкин деган умидда ярим оролнинг хавфсиз қирғоғига қўйиб юборилган.
Мутахассисларнинг фикрича, Янги Зеландияда Антарктида пингвинининг пайдо бўлиши иқлим ўзгариши оқибати бўлиши мумкин. Бунгача пингвинларни Янги Зеландия соҳилларида атиги икки марта — 1962 ва 1993 йилларда кўришган.
Изоҳ (0)