Toshkent shahar IIBB xodimlari Yashnobod tumani “Tarnovboshi” mahallasida joylashgan xonadonlarning birida nasha o‘simliklarini yetishtirilayotganini aniqladi. Bu haqda idora matbuot xizmati xabar berdi.
Ma’lum qilinishicha, Jinoyat-qidiruv boshqarmasi xodimlari ikki nafar xolis ishtirokida mahallada joylashgan xonadonlardan birini ko‘zdan kechirish davomida nasha o‘simligi ochiqdan-ochiq yetishtirib kelinganini aniqlangan.
Xonadon egasining ta’kidlashicha, uning turmush o‘rtog‘i ushbu giyohvandlik vositalarini sotish uchun emas, iste’mol qilish uchun yetishtirgan.
Xolislar ishtirokida rasmiylashtirib olingan 22 tup nasha o‘simligi Yashnobod tumani IIO FMBga topshirilgan va ekspertiza xuslosasiga ko‘ra, ular kannabis ekanini tasdiqlangan. Holat yuzasidan Jinoyat kodeksining 270-moddasi (taqiqlangan ekinlarni yetishtirish) 1-qismi bilan jinoyat ishi qo‘zg‘atilgan. Hozirda dastlabki tergov harakatlari olib borilmoqda.
Avvalroq Toshkent viloyatida xonadonidagi gultuvaklarda giyohvandlik vositasi yetishtirib kelgan fuqaro ushlangani, Toshkent viloyatida tomorqasini nasha plantatsiyasiga aylantirgan fuqaro qo‘lga olingani to‘g‘risida xabar berilgandi.
Izoh (0)