3-noyabr kuni Vazirlar Mahkamasi huzuridagi Ta’lim sifatini nazorat qilish davlat inspeksiyasida tashkil etilgan matbuot anjumanida respublikada eng yuqori natija ko‘rsatgan ixtisoslashtirilgan va umumiy o‘rta ta’lim maktablari nomi ma’lum qilindi. Bu haqda inspeksiya matbuot xizmati xabar berdi.
Reyting natijalariga ko‘ra, ixtisoslashtirilgan maktablar bo‘yicha yuqori o‘ntalikdan Qorako‘l xalqaro matematika maktabi, Mingbuloq tumanidagi 13-sonli, To‘raqo‘rg‘on tumanidagi 4 va 17-sonli, Shahrixon tumanidagi 4-sonli, Marhamat tumanidagi 3-sonli, Kitob tumanidagi 1-sonli, Vobkent tumanidagi 6-sonli, Paxtaobod tumanidagi 21-sonli hamda Asaka tumani 42-sonli ixtisoslashtirilgan maktablar o‘rin olgan.
So‘nggi o‘rinlarda esa Baliqchi tumanidagi 9-sonli, Buloqboshi tumanidagi 11-sonli, So‘x tumanidagi 1 va 3-sonli, Tomdi tumanidagi ixtisoslashgan maktab, So‘x tumanidagi 2-sonli, Termiz shahridagi 4-sonli, Qo‘rg‘ontepa tumanidagi 30-sonli, Jalaquduq tumanidagi 49-sonli, Buvayda tumanidagi 2-sonli ixtisoslashtirilgan maktablar ekani aniqlangan.
Umumiy o‘rta maktablar reytingida yuqori top-10 likdan Navoiy shahridagi 11-sonli, Parkent tumanidagi 5-sonli, Mirobod tumanidagi 60-sonli, Davlatobod tumanidagi 58-sonli, Uchquduq tumanidagi 20-sonli, Pop tumanidagi 64-sonli, Narpay tumanidagi 6-sonli, Zarafshon shahridagi 1-sonli, Koson tumanidagi 72-sonli hamda Furqat tumanidagi 34-sonli maktab o‘rin olgan.
So‘nggi o‘rinlarda esa Ohangaron tumani 43-sonli, Rishton tumanidagi 56 va 55-sonli, Dehqonobod tumanidagi 54-sonli, Qarshi shahridagi 41-sonli, To‘rtko‘l tumanidagi 52-sonli, Quyi Chirchiq tumanidagi 42-sonli, Amudaryo tumanidagi 61-sonli, Qarshi tumanidagi 70-sonli va Dehqonobod tumanidagi 38-sonli maktab ekani ma’lum bo‘lgan.
Avvalroq Prezident huzuridagi Davlat xizmatini rivojlantirish agentligi barcha viloyat, tuman va shaharlardagi hokim va hokim o‘rinbosarlari faoliyatini eng muhim samaradorlik ko‘rsatkichlari asosida baholash tizimini yo‘lga qo‘ygani to‘g‘risida xabar berilgandi.
Izoh (0)