Samarqand viloyati Jomboy tumanida yashovchi fuqaro yashash uyida kannabis yetishtirayotgani aniqlandi, deya xabar bermoqda viloyat IIB matbuot xizmati.
Ma’lum qilinishicha, 7-avgust kuni Jomboy tumani “Olmazor” mahallasida yashovchi 26 yoshli B.E.ning yashash uyida tintuv tergov harakati o‘tkazildi.
Tintuvda ushbu shaxsning tomorqasidan 2160 tup kannabis o‘simligi ekilganligi aniqlanib, hujjatlashtirib olindi.
Bundan tashqari, ushbu hovlidan 512 tup quruq holdagi kannabis giyohvandlik vositalari, uyidagi ovqat pishirish pechi ichidan 100 gramm kannabis urug‘i saqlanayotgani aniqlanib, daliliy ashyo sifatida hujjatlashtirib olindi.
Bundan avval buxorolik haydovchi ko‘p miqdordagi giyohvand modda bilan qo‘lga olingani, Farg‘onada Tojikistondan qariyb 2 kg gashish olib o‘tgan shaxs va uning sherigi DXX xodimlari tomonidan ushlangani hamda Farg‘onada olma bog‘ida kannabis yetishtirgan fuqaro aniqlangani haqida xabar berilgandi.
Izoh (0)