Toshkentda 63 yoshli ayol nevarasi tengi yigit tomonidan zo‘ravonlikka uchragani, holat yuzasidan jinoyat ishi qo‘zg‘atilgani to‘g‘risida xabar berilgandi. Telegram’dagi “Nemolchi.uz” loyihasi mazkur voqeaga oid yangi ma’lumotlar bilan bo‘lishdi.
Ta’kidlanishicha, 1-noyabr kuni jabrlanuvchiga tergovchi qo‘ng‘iroq qilib, ishga imzo qo‘yishni so‘ragan.
“Ish yopilgan va uni sudga oshirishmoqchi. Bezorilik moddasi va yengil tan jarohatlari bilan”, — deb yozadi kanal muallifi.
Ayolning so‘zlariga ko‘ra, tergovchi ularga ish materiallari bilan tanishishga imkon bermagan, sud-tibbiy ekspertiza nusxalarini taqdim etmagan.
“Gazeta.uz”ning yozishicha, Toshkent shahar IIBB ish sudda ko‘rib chiqishlik uchun Jinoyat kodeksining 277-modda (bezorilik) bilan ayblangan fuqaro BHMning 50 baravaridan 100 baravarigacha (27 million so‘mgacha) jarimaga tortilishi yoki 300 soatgacha majburiy jamoat ishlariga yoki 3 yilgacha axloq tuzatish ishlariga jalb etilishi mumkin”. “Zo‘rlashga urinish faktlari isbotlanmadi”, — deya qo‘shimcha qilgan boshqarma.
“Nemolchi.uz” jinoyatning “bezorilik” deya tasniflanishini noto‘g‘ri deb hisoblamoqda. Loyiha Bosh prokuraturaga ushbu ishga e’tibor qaratish bo‘yicha murojaat qilgan.
Izoh (0)