Qirg‘izistonning Jalolobod viloyatida joylashgan “Toqtogul” suv omborining suv sathi “o‘lik chegara” darajasigacha tushishi ehtimoli bor. Bu haqda Qirg‘iziston energetika va sanoat vaziri o‘rinbosari Taalaybek Ibrayev ma’lum qildi, deb xabar qilmoqda “O‘zbekiston milliy elektr tarmoqlari” AJ matbuot xizmati.
Ibrayev Bishkekda bo‘lib o‘tgan Markaziy Osiyo Birlashgan energetika tizimi Elektr energetika muvofiqlashtiruvchi kengashining yig‘ilishida ko‘rilayotgan chora-tadbirlarga qaramasdan ushbu suv omborining sathi kamayishi mumkin.
“Bu holat mintaqada kelgusi yil vegetatsiya davrini muvaffaqiyatli o‘tishga imkon bermaydi va o‘z-o‘zidan ma’lumki, ‘Toqtogul’ suv omboriga tutash daryolar oqib o‘tadigan qo‘shni mamlakatlarga o‘zining salbiy ta’sirini ko‘rsatadi”, – dedi u.
Qirg‘izistonlik amaldor vaziyatni o‘nglash uchun Qirg‘iziston elektr energetika tizimiga qo‘shni davlatlardan yordam olish zaruriyati mavjudligini qayd etdi.
Yig‘ilishda energiya resurslari tanqisligi va uning tannarxi keskin oshib borayotgani, dunyo va mintaqada suv tanqisligi tufayli kuzatilayotgan energetika inqirozi muhokama qilindi.
Mavzuga doir:
- Markaziy Osiyoda qariyb 2,5 mln odam iqlim muhojiriga aylanishi mumkin
- “Suv tanqisligi faqat O‘zbekistonda emas-ku. Qanday qilib boshqa davlatlarda hamma joy ko‘m-ko‘k?”. Tanzila Norboyeva – daraxtlarning noqonuniy kesilishi haqida
- O‘zbekiston tomoni Qozog‘iston fermerlariga suv yetkazib berish hajmini oshiradi
Izoh (0)