Тошкентда 63 ёшли аёл невараси тенги йигит томонидан зўравонликка учрагани, ҳолат юзасидан жиноят иши қўзғатилгани тўғрисида хабар берилганди. Telegram’даги «Nemolchi.uz» лойиҳаси мазкур воқеага оид янги маълумотлар билан бўлишди.
Таъкидланишича, 1 ноябрь куни жабрланувчига терговчи қўнғироқ қилиб, ишга имзо қўйишни сўраган.
«Иш ёпилган ва уни судга оширишмоқчи. Безорилик моддаси ва енгил тан жароҳатлари билан», — деб ёзади канал муаллифи.
Аёлнинг сўзларига кўра, терговчи уларга иш материаллари билан танишишга имкон бермаган, суд-тиббий экспертиза нусхаларини тақдим этмаган.
«Gazeta.uz»нинг ёзишича, Тошкент шаҳар ИИББ иш судда кўриб чиқишлик учун Жиноят кодексининг 277-модда (безорилик) билан айбланган фуқаро БҲМнинг 50 бараваридан 100 бараваригача (27 миллион сўмгача) жаримага тортилиши ёки 300 соатгача мажбурий жамоат ишларига ёки 3 йилгача ахлоқ тузатиш ишларига жалб этилиши мумкин». «Зўрлашга уриниш фактлари исботланмади», — дея қўшимча қилган бошқарма.
«Nemolchi.uz» жиноятнинг «безорилик» дея таснифланишини нотўғри деб ҳисобламоқда. Лойиҳа Бош прокуратурага ушбу ишга эътибор қаратиш бўйича мурожаат қилган.
Изоҳ (0)