Yaman janubida joylashgan Aden shahridagi xalqaro aeroport yaqinida mina qo‘yilgan avtomobil portladi. Oqibatda kamida 10 kishi halok bo‘ldi, deb yozadi “Gazeta.ru”.
Reuters xabariga ko‘ra, voqea guvohlari va xavfsizlik manbasi portlashni tasdiqlagan. Versiyalardan biriga ko‘ra, mashinada portlovchi moddalar bo‘lgan. Avtomobil aeroportga kiraverishdagi maydonda turgandi. Hodisa oqibatida aeroport mehmonxonasi yaqinidagi nazorat-o‘tkazish punkti vayron bo‘lgan.
Portlash qurbonlarining aniq soni hozircha noma’lum, voqea joyiga tez yordam bo‘limlari jo‘natilgan. Hozirda portlash sabablari aniqlanmoqda. Dastlabki ma’lumotlarga ko‘ra, kamida 10 kishi halok bo‘lgan.
15-oktabr kuni Afg‘onistonning Qandahor shahrida joylashgan shialar masjidida portlash sodir etilgandi. Hodisa qurbonlari soni 62 kishiga yetgan, yana kamida 70 kishi jarohatlangan. Guvohlarning aytishicha, teraktni to‘rt nafar xudkush sodir etgan. Undan roppa-rosa bir hafta oldin ham Afg‘onistonning Qunduz shahridagi shialar masjidida portlash yuz bergandi.
Mavzuga doir:
- Qozog‘istondagi harbiy qismda yuz bergan portlashda kamida 5 kishi halok bo‘ldi, 90 kishi jarohatlandi (video)
- Meksika ko‘rfazidagi Pemex neft platformasida portlash va yong‘in sodir bo‘ldi (video)
- Livanda gaz tankeri portlashi oqibatida kamida 22 nafar odam halok bo‘ldi (video)
- Voronejda avtobus portlashi oqibatida 18 kishi jabrlandi, ulardan biri vafot etdi. Hozircha terakt versiyasi ko‘rib chiqilmayapti (foto va video)
Izoh (0)