JCh—2021. 29-oktabr kuni 4 nafar o‘zbekistonlik bokschi jang qiladi: Shahram G‘iyosov 4 yil avvalgi mag‘lubiyat uchun revansh olishga urinadi

Serbiyaning Belgrad shahrida o‘tkazilayotgan boks bo‘yicha Jahon chempionatining 29-oktabr kungi bahslarida bir qator o‘zbekistonlik bokschilar ringga ko‘tariladi.

Kun davomida to‘rt nafar O‘zbekiston vakili o‘z jangini o‘tkazadi. 2017-yilgi Jahon chempionati g‘olibi Shahram G‘iyosov dastlabki bosqichda qozog‘istonlik taniqli bokschi Aslanbek Shimbergenovga qarshi jang qiladi. Shahram bu bokschi bilan faoliyati davomida (2017-yil) bir marta to‘qnash kelgan va hakamlarning bahsli qarori sabab mag‘lubiyatga uchragandi.

• -54 kg. Shahobiddin Zoirov — Tamir Galanov (Serbiya) – 16:10 dan so‘ng;
• -92 kg. Madiyor Saidrahimov — Vladislav Smyaglikov (Belarus) – 19:15 dan keyin;
• -60 kg. Abdumalik Halokov — Jasin Lyama (Makedoniya) – 21:25 dan keyin;
• -71 kg. Shahram G‘iyosov — Aslanbek Shimbergenov (Qozog‘iston) – 23:00 dan so‘ng.