Serbiyaning Belgrad shahrida boks bo‘yicha Jahon chempionatining 4-kungi bahslari 28-oktabr, payshanba kuni bo‘lib o‘tmoqda.
-57 kg vazn toifasida amaldagi jahon chempioni Mirazizbek Mirzaxalilov amerikalik Jamal Harviga qarshi ringga ko‘tarildi. Birinchi raundda Mirazizbek ustunlikni boy berdi. Ikkinchi raund Mirzaxalilov foydasiga hal bo‘ldi. Uchinchi raundda esa amerikalik Jamal Harvi ustunlik qildi. Yakunda 5 hakamning uch nafari AQSh vakili g‘alabasini qayd etdi va Miraziz chempionatdagi ishtirokini yakunladi.
Shu tariqa musobaqani tark etgan o‘zbekistonlik bokschilar soni uch nafarga yetdi. Bundan avval 26-oktabr kuni Hasanboy Do‘stmatov qozog‘istonlik raqibiga imkoniyatni boy berib, o‘z ishtirokini yakunlagandi. 27-oktabr kuni Shohjahon Abdullayev nokautga uchrab, musobaqani tark etgandi.
Izoh (0)