Serbiyaning Belgrad shahrida boks bo‘yicha Jahon chempionatining 4-kungi bahslari 28-oktabr, payshanba kuni bo‘lib o‘tdi.
-67 kg vazn toifasida harakat qiladigan Asadxo‘ja Mo‘ydinxo‘jayev falastinlik Ahmed Xararaga qarshi ringga ko‘tarildi va 5:0 hisobida g‘alaba qozondi. Mo‘ydinxo‘jayev har uchala raundda ishonchli harakat qildi va haqli ravishda g‘alabani qo‘lga kiritdi.
Shu tariqa Asadxo‘ja Mo‘ydinxo‘jayev falastinlik raqibidan ustun kelgan holda 1/8 finalga yo‘llanmani qo‘lga kiritdi. Asadxo‘ja musobaqaning 1/32 final doirasida irlandiyalik Brendon Makkiverni mag‘lub etgandi.
Eslatib o‘tamiz, amaldagi jahon chempioni Mirazizbek Mizaxalilov amerikalik bokschiga mag‘lub bo‘lib, o‘z ishtirokini yakunladi, 27-oktabr kuni Shohjahon Abdullayev belgiyalik bokschiga qarshi jangda nokautga uchradi. 26-oktabr kungi bahslarda Saidjamshid Ja’farov slovakiyalik raqibi yengib, keyingi bosqich yo‘llanmasiga ega bo‘lgan bo‘lsa, Hasanboy Do‘stmatov qozog‘istonlik raqibiga imkoniyatni boy berib, musobaqa bilan xayrlashdi. Odiljon Aslonov esa jangsiz 1/16 finalga yo‘l oldi.
Izoh (0)