Buxoroda tadbirkorning 1,3 milliard so‘mlik mahsulotini o‘zlashtirib 2 ta Damas, Toyota Hiace va Isuzu sotib olgan korxona rahbariga jinoyat ishi qo‘zg‘atildi. Bu haqda Bosh prokuratura huzuridagi departament xabar berdi.
Departamentning Buxoro viloyat boshqarmasi tomonidan tadbirkorlik subyektlarining huquqlarini himoya qilish yuzasidan o‘tkazilgan tergovga qadar tekshiruvda “P.” qo‘shma korxonasining Buxoro filiali rahbari Z.J. o‘ziga ishonib topshirilgan 1,3 milliard so‘mlik alkogol va salqin ichimliklarni naqd pulga sotib, pullarni korxona hisob raqamiga kirim qilmasdan talon-toroj qilgani aniqlangan.
U pullar hisobidan turmush o‘rtog‘i va o‘zining nomiga 2 ta Damas, Toyota Hiace va Isuzu rusumli avtotransport vositalarini xarid qilib, jinoiy faoliyatdan olingan daromadlarini legallashtirgan.
Qayd etilishicha, mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 243-moddasi (jinoiy faoliyatdan olingan daromadlarni legallashtirish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Toshkentda 32,5 ming dollarni o‘zlashtirib yuborgan bank kassiri va bosh mutaxassisiga jinoyat ishi qo‘zg‘atildi
- Farg‘onada xususiy korxona xodimlari 4,5 mlrd so‘m kredit mablag‘ini o‘zlashtirgani aniqlandi
- Chinozda bankning salkam 1,5 mlrd so‘mlik kreditini naqdlashtirib, Malibu sotib olgan tadbirkorga qarshi ish ochildi
Izoh (0)